COVID-19

The health and safety of our participants and employees is our top priority. All events are suspended until further notice.

Learn More

ᑎᑎᕋᖅᐳᖓ ᐃᓕᓐᓂᐊᑎᑎᔨᓐᓄᑦ ᕿᑐᕋᕆᓐᓄᓪᓗ ,

ᐱᖑᐊᖅ ᖃᐅᔨᒪᖕᒪᑦ ᒪᓐᓇᐅᔪᖅ ᐊᐃᓯᒪᑉᓗᓐᓂ ᓄᑕᓐᓂᒃ ᐊᔪᕈᑎᑕᖃᕐᒪᑦ. ᑕᒻᓇ ᐊᔪᕈᑕᐅᔪᖅ ᐊᕿᒃᑕᐅᔪᓪᓗᐊᕐᒪᑦ ᐊᐃᓯᒪᓗᓐᓂᓗ ᐃᓕᓐᓂᐊᕐᓂᐊᕐᓗᓐᓂ, ᐊᕿᖃᖏᑐᓐᓂᒃ ᐱᓕᕆᐊᖑᔪᓪᓗᐊᖅᑐᓐᓂᒃ ᐊᕿᒃᓯᓚᐅᕋᑉᑕ ᐊᑐᒐᐅᔪᓪᓗᐊᖅᑐᓐᓂᒃ.

ᑕᐃᑉᑯᐊ ᖃᐅᔨᒪᑎᐊᖏᑦᑐᖅ ᑭᑐᓂᑉᑎᖕᓂᒃ, ᐱᖑᐊᖅ ᑲᑐᔨᖃᑎᒋᑦ (Pinnguaq Association) ᑭᓇᐅᔭᓕᐅᕐᓂᓗᖏᑐᑦ ᑎᒥᐅᑉᓗᑎᒃ ᐅᑯᓂᖓ ᐱᓕᕆᐊᖃᖅᑐᑦ ᔅᑎᐃᒻ (STEAM) (ᖃᐅᔨᓴᕐᓂᖅ, ᖃᕆᑕᐅᔭᒃᑯᕐᓂᒃ, ᐊᐅᓚᓂᖏᓐᓂᒃ ᖃᐅᔨᓴᕐᓂᖅ, ᑎᑎᕋᐅᔭᖅᓯᒪᔪᑦ, ᓇᓴᐅᓯᕆᓂᖅ) ᐃᓕᓐᓂᐊᕈᑎᖑᑎᑕᐅᑉᓗᑎᒃ ᓇᕋᕐᓇᖅᑐᑦ ᐃᑲᔪᖅᑐᐃᑉᓗᑎᒃ ᐅᓂᑉᑲᖅᑐᐊᓕᐅᕐᓂᖅ, ᐊᓐᓂᐊᖅᑕᐃᓕᓂᖅ, ᐃᓄᓯᖃᑎᐊᕐᓂᖅ, ᐱᕈᖅᐸᓕᐊᓂᖅ ᓄᓇᓕᖕᒥᒃ ᐃᓄᐃᓪᓚᒥᓗ ᓱᓇᖃᓗᐊᑐᒻᒥ.

ᑕᑉᑯᐊᒃ ᒪᕈᒃ ᐃᓕᓐᓂᐊᕈᑎᒃ ᑐᕋᖓᓗᐊᖅᑐᒃ ᐃᓕᓐᓂᐊᑎᑎᔨᓐᓄᑦ ᐊᑐᒐᐅᔪ9ᓗᐊᕐᓗᑎᒃ ᐃᓕᓐᓂᐊᖅᑎᒥᖕᓄᑦ ᕿᑐᕋᖏᓐᓄᓪᓗ ᐅᕙᒍᒥᖕᓂ. ᐃᓚᐅᑎᑦᓯᓚᐅᖅᐳᒍᑦ ᐃᓕᓂᐊᕈᑕᐅᔪᓐᓂᒃ ᐅᖃᓕᒪᓕᐅᕐᓂᖅ ᑎᑎᕋᐅᔭᖑᐊᖅᓯᒪᔪᓐᓂᒃ, ᖃᕆᑕᐅᔭᑯᑦ ᐃᓕᓂᐊᕈᑎᓐᓂᒃ ᐊᒻᒪ ᐱᖓᓱᐃᓕᖓᔪᓐᓂᒃ ᐊᔨᖑᐊᕐᓂᒃ. ᐃᓚᑲᓂᕐᓗᒍ, ᐱᓕᕆᐊᒃᓴᑕᖃᕆᕗᖅ ᖃᕆᑕᐅᔭᒻᒥᒃ ᐊᑐᕆᐊᖃᖏᑐᒻᒥᒃ ᐅᕙᒍᒻᒥᓗ ᐊᑐᒐᐅᔪᓪᓗᐊᖅᑐᓐᓂᒃ.

ᓄᑕᓐᓂ ᐃᓕᓯᓱᐊᕐᓂᕈᕕᑦ ᐊᑐᐃᓐᓴᐅᕗᑦ, ᐊᑎᓕᐅᕐᓗᑎᑦ ᐃᓕᓂᐊᕈᑎᑦ ᑐᓴᒐᒃᓴᖏᓐᓄᑦ ᐅᕙᓐᓂ ᖃᕆᑕᐅᔭᑯᓗᕙ ᑎᑎᕋᕐᓗᑎᑦ ᐅᕗᒐ @pinnguaq ᕕᔅᐳᒃᒥ, ᑐᕕᑦᑕᒻᒥ ᐅᕙᓗᓂᖅ ᐃᓐᔅᑕᒍᕋᒻᑯᑦ. ᐊᑐᕈᖕᓇᖅᐳᑎᑦᑕᐅᖅ ᑲᕆᑕᐅᔭᓐᓂᒃ ᑐᓴᐅᒪᑎᑎᔪᑎᓐᓂᒃ ᐊᒥᖃᖃᑎᖃᕐᓗᑎᑦ ᐱᓕᕆᐊᕆᔭᕐᓂᒃ ᐃᓕᓐᓂᐊᖅᑐᑦ ᖁᕕᐊᒋᔭᖏᓐᓂᒃ ᐊᒥᖃᖃᑎᖃᕐᓗᑎᑦ .

Read this page in English


ᐃᓕᓐᓂᐊᕐᕕᒃᓴᐅᔪᖕᓇᖅᑐᖅ

ᐱᖑᐊᖅ (Pinnguaq) ᖃᕆᑕᐅᔭᑯᕈᑎᖓᑦ ᐊᑐᒐᒃᓴᓐᓂᒃ ᐱᑕᖃᕐᒪᑦ ᔅᑎᐃᒻ (STEAM) ᐃᓕᓂᐊᕈᑕᐅᔪᓪᓗᐊᖅᑐᓐᒃ.
pinnguaq.com/learn

  • ᐃᓕᓂᐊᕈᑦ ᐊᐅᑦᑕᓯᑦᑎ (Audacity) ᐊᑐᖅᑕᐅᓱᕐᓂᖓᓂᒃ • ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᐊᐅᑕᓯᑦᑎ (Audacity) ᖃᕆᑕᐅᔭᒥᓯᐅᖅᑐᖅ ᐊᑭᖃᖏᑐᖅ ᓂᐱᓕᐅᕈᖕᓇᖅᓗᓐᓂ ᐊᒻᒪ ᓇᑲᑎᕆᔪᖕᓇᖅᑐᖅ ᓂᐱᓕᐅᕐᓂᑯᓂᒃ. ᐊᐅᑕᓯᑦᑎ (Audacity) ᓂᐱᓕᐅᕈᖕᓇᖅᑐᖅ ᐃᖏᐅᑎᓂᒃ, ᐅᖃᓕᒪᒐᕐᓂᒃ, ᓂᐱᓕᐅᖅᓯᒪᑕᖅᑐᓐᓂᒃ ᐊᒻᒪ ᐃᓕᓐᓂᐊᕈᑎᓂᒃ.
  • ᐃᒻᒥᓂᒃ ᐱᓯᒪᑦᑎᓂᖅ ᐊᒻᒪᓗ ᖃᕋᓴᐅᔭᒃᑯ ᐱᙳᐊᒐᐃᑦ • ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᐅᓇ ᐃᓕᓐᓂᐊᕈᑎᒃ ᓴᖅᑭᑎᑦᑎᕗᖅ ᖃᓄᖅ ᓇᒻᒥᓂᖅ ᐱᓯᒪᔪᓐᓇᕐᓂᕐᒥᒃ, ᐊᑐᕐᑐᒍ ᐊᒻᒪᓗᑭᑖᖅ ᖃᓄᐃᔾᔭᐃᒃᑯᑎ ᐊᒻᒪᓗ ᖃᓄᖅ ᐱᙳᐊᒐᐃᑦ ᐱᐅᒍᓐᓇᕐᒪᖔᑕ ᐃᓅᓯᖃᑦᑎᐊᕐᓂᕐᒧᑦ. ᐃᓕᓐᓂᐊᖅᑏᑦ ᐃᓕᑦᑐᔅᓴᐅᕗᑦ ᖃᓄᖅ ᓇᒻᒥᓂᖅ ᐱᓯᒪᑦᑎᐊᕐᓂᕐᒥᒃ ᐊᒻᒪᓗ ᑐᑭᓯᓯᒪᓕᕐᓗᑎᑦ ᐱᐅᔪᓂᑦ ᐱᙳᐊᕐᓂᖅ ᓴᖅᑮᒍᓐᓇᕐᒪᖔᑦ.
  • Mario−ᓕᐅᕈᑎ – ᖁᕝᕙᓯᓐᓂᖓ ᓴᓇᓂᐅᑉ ᐱᔭᕆᐊᑭᑦᑐᖅ ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    Super Mario- ᓕᐅᕈᑦ ᐱᙳᐊᓕᐅᕈᑎᐅᔪᖅ ᐊᒻᒪᓗ ᓴᓂᒧᑦ-ᑐᑭᒧᐊᑉᐸᓪᓕᐊᔪᖅ ᐱᙳᐊᕈᑎᐅᔪᖅ ᐊᑐᖅᓱᓂ ᓱᓇᒃᑯᑖᖏᓐᓂᒃ Super Mario Bros. ᐱᙳᐊᕈᑎᖏᓐᓂᒃ ᐱᓯᒪᔪᓂᒃ. ᓴᓇᕐᕈᑎᑦᓯᐊᕙᐅᔪᖅ ᑖᓐᓇ ᐃᓕᓐᓂᐊᑎᑦᓯᒍᑎᐅᓪᓗᓂ ᖃᓄᖅ ᐱᙳᐊᕈᑎᓕᐅᕆᐅᖅᓴᓂᕐᒥᒃ: ᐃᓕᓐᓂᐊᕈᑎᐅᓪᓗᓂ ᖃᓄᖅ ᐱᙳᐊᕈᑏᑦ ᐋᖅᑭᓱᖅᑕᐅᓲᖑᒻᒪᖔᑕ, ᖃᓄᐃᑦᑑᓂᖏᑦ ᐱᐅᓈᕐᒪᖔᑕ ᐱᙳᐊᕈᑎᓕᐅᕐᓂᕐᒧᑦ, ᖃᓄᕐᓗ ᓴᓇᔭᐅᓯᒪᓂᖓ ᖁᕕᐊᓇᖅᑎᑦᓯᒍᓐᓇᕐᒪᖔᑦ ᐅᕝᕙᓘᓐᓃᑦ ᐃᕿᐊᒋᔭᐅᓗᐊᒧᑦ ᐱᙳᐊᖅᑕᐅᒍᓐᓇᖏᓪᓗᓂ.
  • ᐊᔾᔨᙳᐊᓕᐅᕈᑎᕋᓛᖅ ᑭᑉᐹᕆᑦᑐᒡᒍᑕᐅᓪᓗᑎᑦ 1: ᐱᒋᐊᖅᐸᓪᓕᐊᓂᖅ ᒍᕌᐱᒃᔅᒐᐃᔪᓪ ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᑕᐅᑐᒐᒃᓴᐅᓪᓗᓂ ᒪᕐᕈᐃᓕᖅᑲᖓᔪᑎᒍᑦ 2D ᑐᙵᕕᒋᔭᐅᓲᖑᕗᖅ ᐊᒥᓱᓄᑦ ᖃᕋᓴᐅᔭᒃᑰᕈᓐᓇᐅᑎᐅᔪᓂᑦ, ᑕᒪᒃᑮᓐᓂᒃᓂ ᐱᙳᐊᕈᑕᐅᓲᑦ ᐊᒻᒪᓗ ᖃᕋᓴᐅᔭᓕᕆᔾᔪᑎᓅᕆᐊᓕᖕᓄᑦ. ᑕᕝᕙᓂ ᐃᓕᓐᓂᐊᕋᒃᓴᒥ ᐃᓕᓐᓂᐊᖅᑏᑦ ᐋᖅᑭᒃᓱᐃᓂᐊᖅᑐᑦ ᐊᔾᔨᙳᐊᓕᐅᕈᑎᑦ ᑎᑎᖅᑐᒐᐅᔭᕐᓗᑎᑦ ᐊᑐᕐᓗᑎᑦ ᐊᑦᑐᕋᒃᓴᓂᒃ ᑐᓴᖅᑑᑎᓕᐅᕈᑎᓂᒃ ᐊᒻᒪᓗ ᐊᐅᓪᓛᖅᑎᓪᓗᒍ  ᑖᓐᓇ ᐊᔾᔨᙳᐊᓕᐊᖓ ᐊᑭᖃᙱᑦᑐᒧᑦ ᖃᕋᓴᐅᔭᓕᕆᔾᔪᑎ ᑕᐃᔭᐅᔪᖅ ᒍᕌᐱᒃᔅᒐᐃᔪᓪ ᐊᑐᕋᒃᓴᓂᒃ PNG ᐊᔾᔨᙳᐊᓕᐅᕈᓐᓇᓂᐊᕐᒪᑦ ᖃᕋᓴᐅᔭᖅᑎᒍᑦ. ᑖᓐᓇ ᐃᓕᓐᓂᐊᕋᒃᓴᖅ ᑐᙵᕕᑐᐃᓐᓇᙱᖏᖕᓐᓂᒃ ᐃᓕᓐᓂᐊᑎᑦᑎᒍᓯᐅᕗᖅ ᑭᓲᒻᒪᖔᕐᒥᒃ ᐊᔾᔨᙳᐊᓕᐅᕐᓗᓂ ᖃᕋᓴᐅᔭᖅᑎᒍᑦ ᐊᒻᒪᓗ ᖃᓄᖅ ᐋᖅᑭᒃᓱᕈᓐᓇᕐᒪ ᖓᑦ. ᑖᓐᓇᓗ ᐃᓕᓐᓂᐊᕈᑎ ᑐᑭᓯᒋᐊᙵᑎᑦᑎᕗᖅ ᑐᙵᕕᖏᖕᓂᒃ ᐃᑲᔫᑏᑦ ᐊᒻᒪᓗ ᐊᐅᒪᑦᑎᒍᑎᓂᒃ ᐊᔾᔨᙳᐊᓕᐅᕐᓗᓂ ᖃᕋᐅᔭᒃᑯᑦ ᐊᒻᒪᓗ ᖃᓄᖅ ᑕᒪᒃᑯᐊ ᐃᑲᔫᑏᑦ ᐊᑐᖅᑕᐅᑦᑎᐊᓛᖑᒍᓐᓇᕐᒪᖔᑕ ᒪᕐᕈᐃᓕᖅᑲᖓᓗ ᐱᙳᐊᕈᑎᓕᐅᕐᓗᓂ ᐅᕝᕙᓘᓐᓃᑦ ᐊᑐᓕᖅᑎᑦᑎᓗᓂ ᐊᔾᔨᙳᐊᓕᐊᕆᔭᐅᓯᒪᔪᓂᑦ.
  • ᐊᔾᔨᙳᐊᓕᐅᕈᑎᕋᓛᖅ ᑭᑉᐹᕆᑦᑐᒡᒍᑕᐅᓪᓗᑎᑦ 2: ᐊᑐᖅᑕᐅᓪᓗᐊᓲᑦ ᖃᕋᓴᐅᔭᒃᑯᑦ ᐊᒥᐊᕆᓗᓂ ᒍᕌᐱᒃᔅᒐᐃᔪᓪ ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᑕᐅᑐᒐᒃᓴᐅᓪᓗᓂ ᒪᕐᕈᐃᓕᖅᑲᖓᔪᑎᒍᑦ ᑐᙵᕕᒋᔭᐅᓲᖑᕗᖅ ᐊᒥᓱᓄᑦ ᖃᕋᓴᐅᔭᒃᑰᕈᓐᓇᐅᑎᐅᔪᓂᑦ, ᑕᒪᒃᑮᓐᓂᒃᓂ ᐱᙳᐊᕈᑕᐅᓲᑦ ᐊᒻᒪᓗ ᖃᕋᓴᐅᔭᓕᕆᔾᔪᑎᓅᕆᐊᓕᖕᓄᑦ. ᖃᑦᑏᓐᓇᐅᒻᒪᑕ ᖃᓄᐃᓕᐅᕋᒃᓴᑦ ᑭᒡᓕᖃᕈᑎᖏᖕᓂᒃ ᐅᖓᑕᐅᔨᒐᒃᓴᑦ ᐊᑐᕐᓗᒍ ᖃᕋᓴᐅᔭᒃᑯᑦ ᐊᔾᔨᙳᐊᓕᐅᕐᓂᖅ ᐊᒻᒪᓗ ᐃᑲᔪᕐᓗᒋᑦ ᓴᓇᐅᒐᑎᑦ ᐱᓕᕆᔨᒻᒪᕆᒻᒧᑦ ᑲᒪᒋᔭᒥᓂᐅᔮᕐᓗᑎᑦ. ᑕᕝᕙᓂ ᐃᓕᓐᓂᐊᕋᒃᓴᒥ ᐃᓕᓐᓂᐊᖅᑎᑦᑎᔪᖃᒃᑲᓐᓂᖅᑐᖅ ᐃᓕᓐᓂᐊᖅᑕᐅᒋᐊᙵᕈᑎᖏᖕᓂᒃ ᑭᑉᐹᕆᑦᑐᓂᑦ ᐊᒥᐊᕆᓗᓂ ᐊᔾᔨᙳᐊᓕᐅᕐᓂᖅ 01, ᐃᓕᓐᓂᐊᑎᑦᑎᒃᑲᓐᓂᖅᑐᑎᓪᓗ ᖃᓄᐃᓕᐅᕋᒃᓴᐅᔪᓂᒃ ᑎᑎᖅᑐᒐᐅᔭᕐᓗᓂ ᐊᒻᒪᓗ ᑕᐃᒎᓯᖏᑦ, ᐊᒻᒪᓗ ᐅᖃᐅᓯᖃᕐᒥᔪᑦ ᐊᑲᐅᙱᓕᐅᕈᑕᐅᒃᑲᔪᑦᑐᑦ ᖃᓄᐃᑦᑑᓂᖏᑦ, ᐊᑐᕐᓗᑎᑦ ᑭᒃᑯᑐᐃᓐᓇᕐᓄᑦ ᐊᑐᕋᒃᓴᑦ ᑎᑎᖅᑐᒐᐅᔭᕐᓗᓂ ᖃᕋᓴᐅᔭᓕᕆᔾᔪᑎ ᖃᓪᓗᓈᑎᑐᑦ ᑕᐃᔭᐅᔪᖅ ᒍᕌᐱᒃᔅᒐᐃᔪᓪ.
  • ᐊᔾᔨᙳᐊᓕᐅᕈᑎᕋᓛᖅ ᑭᑉᐹᕆᑦᑐᒡᒍᑕᐅᓪᓗᑎᑦ 3A: ᐊᑐᖅᑕᐅᓪᓗᐊᓲᑦ ᖃᕋᓴᐅᔭᒃᑯᑦ ᐊᒥᐊᕆᓗᓂ ᒍᕌᐱᒃᔅᒐᐃᔪᓪ GraphicsGale ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᖃᕋᓴᐅᔭᒃᑯᑦ ᑎᑎᖅᑐᒐᐅᔭᕈᑎ ᕿᒥᕐᕈᔭᐅᓂᖅᓴᐅᓲᖑᓪᓗᑎᑦ, ᐋᖅᑮᓗᓂ ᑐᑦᑕᕐᕕᐅᓪᓗᐊᕋᔭᖅᑐᒥᒃ ᐱᙳᐊᕐᕕᐅᒐᔭᖅᑐᑦ ᐃᓂᖏᑦ ᒪᕐᕈᐃᓕᖅᑲᖓᔪᕐᔫᔮᖅᑐᑦ ᐱᙳᐊᕈᑏᑦ ᐊᒻᒪᓗ ᖃᕋᓴᐅᔭᓕᕆᔾᔪᑎᓂᒃ, ᑖᒃᑯᐊ ᐊᒥᓱᒡᒍᑏᑦ ᐃᓂᒃᓴᖏᑦ ᖃᓄᐃᑦᑑᓂᖏᑦ ᐱᙳᐊᕈᑎᒥ ᑐᙵᕕᖃᖅᑎᑎᓪᓚᑦᑖᖅᐳᑦ ᑖᒃᑯᐊ ᖃᕋᓴᐅᔭᒃᑯᑦ ᑎᑎᖅᑐᒐᐅᔭᕈᑎ ᐃᓂᒃᓴᖃᖁᓪᓗᒋᑦ. ᐃᓗᓕᖃᓗᐊᖅᑐᑦ ᐊᒥᓲᓛᖑᓂᖏᖕᓂᒃ ᐱᙳᐊᕈᑎᑉ ᑎᑎᖅᑐᒐᐅᔭᖅᓯᒪᓂᖏᖕᓂᒃ. ᐊᒥᓱᒡᒍᑏᑦ ᐃᓂᒃᓴᖏᑦ ᖃᓄᐃᑦᑑᓂᕆᒐᔭᖅᑕᖏᑦ ᐱᙳᐊᕈᑎᒥ Tilesets, ᓄᐊᑕᐅᓯᒪᔪᑦ ᐃᓂᒃᓴᖏᑦ ᖃᓄᐃᑦᑑᒐᔭᕐᓂᖏᑦ ᐱᙳᐊᕈᑎᒥ ᐱᙳᐊᕈᑎᓕᕆᓂᕐᒥ, ᐋᖅᑭᒃᓱᐃᔨᓂᒃ ᓴᓇᑎᑦᑎᒍᓐᓇᕐᒪᑕ ᐊᖏᔪᒥᒃ ᐱᙳᐊᕐᕕᐅᖃᑦᑕᕋᔭᖅᑐᓂᒃ ᐃᓂᖏᖕᓂᒃ ᑕᐅᑐᒐᒃᓴᑦᑎᐊᕙᒡᒍᑕᐅᓪᓗᑎᑦ ᐊᒥᓱᓕᐅᕐᓗᓂ ᐊᒻᒪᓗ ᐃᓕᓯᓗᓂ ᐊᑐᐃᓐᓇᐅᒪᔪᓂᒃ ᓴᓇᔭᐅᓯᒪᔪᑦ ᐱᙳᐊᖅᑐᑦ ᐃᓂᒃᓴᕆᒐᔭᖅᑕᖏᑦ ᐱᙳᐊᕐᓗᓂ ᐱᙳᐊᕈᑎᒥ. ᐱᒋᐊᕐᓂᖏᑦ ᐊᒻᒪᓗ ᐃᓱᓕᓐᓂᖏᑦ ᑎᑎᖅᑐᒐᐅᔭᖅᑕᐅᔪᑉ ᐃᓂᒃᓴᖏᑕ ᖃᓄᐃᑦᑑᒐᔭᕐᓂᖏᑦ ᐱᙳᐊᕈᑎᒥ ᐊᖅᑭᓱᖅᑕᐅᓯᒪᓂᖏᑦ, ᓴᓇᔭᐅᓲᑦ ᓇᓕᒧᒌᓕᖅᑎᑕᐅᓪᓗᑎᑦ ᐃᓱᖏᑦ ᑖᒃᑯᐊ ᐃᓂᒃᓴᖏᑕ ᖃᓄᐃᑦᑑᒐᔭᕐᓂᖏᑦ ᐱᙳᐊᕈᑎᒥ, ᐋᖅᑭᒃᓱᐃᔨᒥᒃ ᐊᒥᐊᕆᑎᑦᑎᒍᓐᓇᖅᑐᑦ ᐊᖏᔫᑎᓪᓗᒋᑦ ᐊᔾᔨᐸᓗᖏᑦ ᐃᓂᒃᓴᖏᑕ ᖃᓄᐃᑦᑑᒐᔭᕐᓂᖏᑦ ᐱᙳᐊᕈᑎᒥ ᐊᒻᒪᓗ ᐃᔨᖅᑕᐅᓗᑎᑦ ᐃᓂᒃᓴᖏᑦ ᖃᓄᐃᑦᑑᒐᔭᕐᓂᖏᑕ ᐱᙳᐊᕈᑎᒥ ᐃᓕᔭᐅᔪᑦ ᐊᒻᓗ ᐊᑐᓕᖅᑭᑦᑕᐅᓪᓗᑎᑦ ᓴᖅᑭᑲᓐᓂᕋᔭᙳᐊᕐᓂᖃᕋᓱᒋᔭᑦ ᑭᑉᐹᕆᑦᑐᒡᒍᑕᓂᒃ ᐊᒥᐊᕆᓗᑎᑦ. ᐱᓪᓚᑦᑖᙳᐊᖑᔮᖅᑐᑦ 3D ᐱᙳᐊᕈᑏᑦ ᐊᑐᕋᔭᕐᒥᔪᑦ ᑕᐃᒪᓐᓇᐃᓕᐅᕐᓗᑎᑦ ᐊᒥᐊᕆᑦᑎᐊᕐᓗᑎᑦ ᑲᑎᙵᑎᐊᕐᓂᖅᓴᐅᔫᔮᕐᓂᐊᕐᒪᑕ ᑎᑎᖅᑐᒐᐅᔭᖅᓯᒪᔪᑦ, ᐋᖅᑭᒃᓱᐃᓕᕐᓗᑎᑦ ᐃᓱᓕᑦᑕᕐᕕᖃᙱᑦᑐᓂᒃ, ᐃᓂᒃᓴᖏᑦ ᐃᓕᔭᐅᔪᓐᓇᕐᓗᑎᑦ ᐊᔾᔨᙳᐊᑦ ᑕᐃᒪᓐᓇᐃᓕᐅᖅᑎᓪᓗᑎᑦ ᐸᒻᒪᕆᐅᕗᖅ ᐊᑑᑎᖃᑦᑎᐊᖅᑐᓂ. ᑕᕝᕙᓂ ᐃᓕᓐᓂᐊᒐᒃᓴᒥ ᐃᓕᓐᓂᐊᖅᑏᑦ ᐃᓕᓐᓂᐊᕋᔭᖅᑐᑦ ᐋᖅᑭᒃᓱᐃᓗᑎᑦ ᐊᔾᔨᙳᐊᓕᐅᕈᑎᕋᓛᑦ ᑭᑉᐹᕆᑦᑐᒡᒍᑕᐅᔪᓂᒃ ᐊᒥᐊᕆᓗᑎᑦ ᐃᓕᓐᓂᐊᓚᐅᖅᑕᖏᑦ ᐃᓕᓐᓂᐊᒐᒃᓴᖅ 1 ᐊᒻᒪᓗ 2-ᒥ.
  • Creating Traditional Métis Dot Art ᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ
    ᐊᓪᓚᖓᔪᐃᑦ ᐃᓚᒋᔭᐅᕗᑦ ᐱᖓᓱᓄᑦ ᐃᓕᓴᕆᔭᐅᓯᒪᔪᓄᑦ ᓄᓇᖃᖅᑳᓯᒪᔪᓂᑦ ᑲᓇᑕᒥ. ᐊᓪᓚᖓᔪᑦ ᖃᐅᔨᒪᔭᐅᕗᑦ ᓴᓇᓲᖑᓂᖏᓐᓄᑦ ᐱᕈᖅᓯᐊᙳᐊᓂᑦ ᓴᐸᖓᓂᑦ ᐊᓐᓄᕌᖏᓐᓃᑦᑐᓂᑦ ᐊᒻᒪᓗ ᑭᓱᑐᐃᓐᓇᕐᓂᑦ ᓂᐅᕕᐊᔅᓴᐅᓲᖑᔪᓂᑦ. “ᑕᖅᓴᓂᑦ ᑎᑎᖅᑐᕋᓐᓂᖅ” ᐊᑐᖅᑯᖅ ᐊᒥᐊᕈᑎᓐᓂᑦ ᐊᔪᕆᒐᓱᐊᖅᑐᓂ ᓴᐸᖓᕐᓂᑦ. ᐃᓕᓐᓂᐊᖅᑏᑦ ᐃᓕᓐᓂᐊᖅᑯᑦ ᐊᓪᓚᖓᔪᑦ ᒥᔅᓵᓄᑦ ᐊᑐᕐᓗᒍ ᑕᕐᓴᓂᑦ ᑎᑎᖅᑐᒐᕐᓂᖅ ᐊᒻᒪᓗ ᖃᓄᖅ ᑎᑎᖅᑐᒐᓕᐅᕈᓐᓇᕐᒪᖔᖅᐱᑦ ᐱᙳᐊᒐᕐᓄᑦ.

ᔅᑎᐃᒻ (STEAM) ᕿᒥᕐᕈᐊᖓ: ᕿᒥᕆᐊᖓ ᐊᒻᒪ ᐃᓱᒍᑎᖓ

ᕿᒥᕆᐊᖓ ᐊᒪ ᐃᓱᒍᑎᖓ (Root & STEM) ᐊᕿᖃᖏᑐᖅ ᐊᒥᓱᓕᐅᒐᐅᔪᓪᓗᐊᖅᑐᖅ ᖃᕆᑕᐅᔭᑯᓪᓗ ᑕᑯᔭᐅᔪᓪᓗᐊᖅᖢᓐᓂ ᔅᑎᐃᒻᒥ (STEAM) ᐃᓗᓕᖏᓐᓂᒃ ᐃᑲᔪᕈᑕᐅᓗᓐᓂ ᐃᓕᓐᓂᐊᓕᓴᓐᓂᑦ ᒍᕆᑦ 12 ᐃᓕᓐᓂᐊᑎᑎᔨᖏᓐᓂᒃ ᖃᕆᑕᐅᔭᑯᕈᑎᖏᓐᓂᒃ ᐱᕙᓪᓕᐊᓂᖏᓐᓂᒃᓗ. ᑕᑉᑯᐊ ᐅᖃᓗᓕᒪᒐᑦ ᐃᓗᓕᖃᖅᑐᑦ ᐊᔨᖏᖏᑐᓐᓂᒃ ᐅᖃᓕᒪᓐᓂᒃ, ᐱᓕᕆᐊᒃᓴᓐᓂᒃ ᐃᓕᓂᐊᕈᑎᓂᒃᓗ ᐸᕐᓇᐅᑎᖏᓐᓂᒃ ᑐᕋᓗᐊᖅᑐᓐᓂᒃ ᔅᑎᐃᒻ (STEAM) ᐃᓕᓂᐊᕈᑎᓐᓂᒃ ᐱᕈᖅᐸᓕᐊᑎᑎᓂᕐᒥᒃ.


ᓱᓇᒥᐊᓐᓄᑦ ᐊᑕᖏᑐᑦ ᐱᓕᕆᐊᒃᓴᑦ

ᑐᑭᓯᒋᐊᖃᓂᕈᑕᐅᔪᖅ ᐃᓕᓐᓂᐊᖅᑐᓐᓄᑦ ᐊᔨᖏᖏᑐᓐᓂᒃ ᓇᓚᐅᑕᕈᖕᓇᕐᓗᑎᒃ ᖃᓄᐃᑐᓂᖏᓐᓂᒃ ᖃᕆᑕᐅᔭᖅ ᐊᑐᖏᓗᒍ (ᑲᐳᑎᓯᒪᖏᓗᒍᓗᓐᓂᑦ) ᐱᓕᕆᐊᑦ. ᐅᑯᐊ ᓇᓗᓇᖏᑐᑦ ᐅᒃᑐᕋᐅᑎᑦ ᓇᓗᓇᐃᑯᑕᓕᖅᓯᒪᔪᑦ ᐅᖃᐅᓯᖏᑦ ᐊᒻᒪ ᐃᓕᖁᓯᖏᑦ, ᐃᓄᒋᐊᒃᖠᕙᓪᓕᐊᔪᑦ ᒪᓕᒃᑐᕋᐅᑦᑐᓪᓗ ᐱᓕᕆᐊᖑᔪᑦ.

ᕿᔪᖕᒥᒃ ᐊᑐᕐᓗᓐᓂ ᓇᓗᓇᖅᑐᓕᕆᓂᖅ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᐅᑯᐊ ᕿᑎᒍᑎᑦ ᐃᓕᓐᓂᐊᕈᑕᐅᓂᐊᖅᑐᑦ ᐃᓱᒪᓕᕐᓇᖅᑐᑦ ᓇᓴᐅᑎᓂᒃᓗ ᑕᐅᑐᒡᓗᒋᑦ ᓇᓚᐅᓴᕈᑎᑦ ᖁᕕᐊᓇᖅᑐᑦ ᐃᑕᔪᖅᑐᐃᓇᖅᖢᑎᒃᓗ. ᕿᔪᖕᓂᒃ ᐊᑐᕐᓗᓐᓂ, ᐃᓕᓂᐊᖅᑐᑦ ᐃᓱᒪᑎᒃ ᐊᑐᕐᓗᒋᑦ ᐊᒪ ᓇᓚᐅᑕᕐᓂᓗᒃᓗᑎᒃ ᐃᓱᒪᑲᓂᕐᓇᖅᑐᑦ. ᐊᔪᕈᑎᖏᑦ ᐃᓱᒪᑯᑦ ᐃᖅᑐᐊᖅᑐᑉ ᓯᓚᑕᓐᓂ ᐊᒧᕈᖕᓇᐃᕆᐊᓕᑦ ᓇᓚᐅᑕᕐᓂᓗᒃᓗᒋᑦ. ᐃᖅᑐᐊᖅᑐᑦ ᖃᕆᑕᐅᔭᒻᒥᑦ ᐱᔭᐅᔪᓪᓗᐊᑦ ᐊᒥᓱᓕᐅᕐᓗᒋᓪᓗ ᐊᑐᒐᐅᓂᐊᕐᒪᑕ ᐃᓕᓂᐊᖅᑐᓐᓄᑦ ᐃᖕᒥᑯᑦ.

ᓇᖕᒥᓂᖅ ᐊᕿᒃᓱᕈᖕᓇᑲᑦ ᓱᑲᓴᐅᔪᐊᕈᑦ ᓄᓇᑯᕈᑦ

ᑕᑯᓗᒋᑦ ᖃᓄᐃᓕᐅᕈᑎᑦsᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᐃᓕᓂᐊᕈᒻᒥ ᑕᑉᕙᓂ ᐊᔪᕈᖕᓇᐃᖅᓴᓗᑎᒃ ᓱᑲᓱᐃᔪᒻᒥᒃ ᓴᓇᓱᖅᓴᓗᑎᒃ ᐊᑐᑲᓂᖅᑕᕐᓗᑎᒃ ᐊᑐᐊᓂᖕᓂᑯᓐᓂᒃ ᐊᓯᖏᓐᓂᒃᓗ. ᐃᓕᓂᐊᖅᑐᑦ ᖃᐅᔨᓴᕐᓗᑎᒃᑕᐅᖅ ᑐᖁᐃᓂᕐᒥᒃ ᐅᒻᒪᖁᒻᒥᒃ ᑕᓯᔭᖅᑐᒻᒥᒃ ᐅᒃᑐᕋᐅᑎᖃᕐᓗᑎᒃ ᖃᓄᕐᓗ ᐅᒻᒪᖁᑕᐅᔪᖅ ᐊᑐᕋᔭᕐᒪᖓᑦ ᓄᑎᑎᓂᕐᒥᒃ ᓱᑲᓴᐅᔪᒻᒥᒃ ᓄᓇᑯᕈᑎᖑᐊᕐᒥᒃ. ᐃᓕᓂᐊᖅᑐᖅ ᐃᓱᒪᓕᐅᓕᕐᓗᑎᒃ ᓄᓇᑯᖁᑎᖑᐊᖓᑦ ᓯᕗᒻᒧᒃᑎᓪᓗᒍ ᓯᕗᓪᓕᐅᑎᓂᓗᒡᓗᑎᒃ ᐊᓯᖏᓐᓂᑦ ᓱᑲᓴᐅᖃᑕᐅᔪᓐᓂᑦ!

ᓴᓇᔪᓪᓗᐊᖅᐳᑎᑦ ᕗᔅ ᐊᖅᓴᖑᐊᖅ ᕿᑎᒍᑎᖓᓐᓂᒃ

ᑕᑯᓗᒋᑦ ᖃᓄᐃᓕᐅᕈᑎᑦsᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᓴᓇᔪᓪᓗᐊᓕᕐᓗᑎᑦ, ᓴᕿᑎᓗᑎᓪᓗ ᐊᒪ ᐱᖑᖅᑎᑎᓗᑎᑦ ᐊᖅᓴᖑᐊᖅᑐᒥᒃ ᕿᑎᒍᒻᒥ ᐊᑐᐊᓂᒃᓯᒪᔪᓐᓂᒃ ᐊᑐᑲᓂᕐᓗᑎᑦ ᐊᓯᖏᓐᓂᒃᓗ ᐱᖁᑎᓐᓂᒃ. ᐊᖅᓴᖑᐊᕐᓂᖅ ᓂᕆᕕᐅᑉ ᖃᖓᓂᓯᐅᕐᓗᓐᓂ ᒪᕈᖕᓄᒃ ᕿᑎᒐᐅᔪᓪᓗᐊᖅᑐᖅ. ᑭᑎᖕᓂᕐᒥ, ᐊᑕᐅᓯᖅ ᐊᑐᕐᓗᓐᓂ ᑕᑭᔪᒻᒥᒃ ᓄᑦᑎᓂᓗᒡᓗᓐᓂ ᐱᑕᕐᓂᓗᑲᒥᓂᒃ ᑭᓯᐊᓐᓂ ᐃᑎᖅᑎᓂᓗᒃᑲᓐᓂ ᐊᖅᓴᕐᓗᓐᓂᑦ ᐃᑎᖅᐸᑦ ᓴᓚᒃᒪᓕᕐᓗᓐᓂ. ᑕᒻᓇ ᕿᑎᒍᑦ 6-ᓂᒃ ᕿᔪᑎᖃᕐᓗᓐᓂ ᐊᒪ ᓴᐳᒻᒥᔪᖃᕐᓗᓐᓂ ᐊᑕᐅᓯᕐᒥᒃ. ᕿᑎᖕᓂᖏᑦ ᐊᔨᖏᖏᑐᓗᑎᒃ ᐃᓕᓐᓂᐊᕈᑎᓐᓂᑦ ᓴᓇᔪᓪᓗᐊᖅᐳᑎᑦ ᐊᔨᖓᓐᓂᒃᑕᐅᖅ ᕿᑎᒐᒃᓴᕐᓂᒃ.

ᐊᓯᐊᓐᓄᑦ ᐊᑕᖏᑐᖅ ᓇᓗᓇᐃᑯᑕᖓ: ᒪᕈᖕᓂᒃ ᓇᓗᓇᐃᑯᑕᓕᒃ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᑕᒻᓇ ᐊᓯᖏᓐᓄᑦ ᐊᑕᖏᑐᖅ ᐱᓕᕆᐊᒃᓴᐅᑉᓗᓐᓂ ᐊᑐᒐᐅᔪᓪᓗᐊᖅᑐᖅ ᐊᔨᖏᖏᑐᓐᓂᒃ ᐅᖃᐅᓯᖃᖅᑐᖅ ᒪᕈᐃᓐᓂᒃ ᓇᓗᓇᐃᑯᑕᖃᖅᑐᖅ. ᐃᓕᓂᐊᖅᑐᑦ ᖃᐅᔨᓴᕈᖕᓇᕐᓂᐊᖅᐳᑦ ᖃᕆᑕᐅᔭᐅᑉ ᐃᑭᐊᕿᕕᐅᑉ ᐃᓱᒪᔪᓯᖓᓐᓂᒃ ᐅᖃᐅᓯᖅ (ᐅᖃᐅᓯᑦ) ᐃᓚᒃᑯᖅᑎᕐᓗᒋᑦ ᐊᑕᐅᓯᖑᖅᑎᓪᓗᒋᑦ ᓇᓗᓇᐃᑯᑕᓕᐅᕐᓗᒋᓪᓗ ᒪᕈᖕᓂᒃ ᓇᓗᓇᐃᑯᑕᖃᓕᕐᓗᑎᒃ ᑭᓯᕕᑦ ᖃᐅᔨᒪᔭᕐᓂᒃ ᑎᑎᕋᖅᓯᒪᓕᕐᓗᓐᓂ!

ᐃᖅᑐᐊᖓᔪᑦ ᕿᑎᒍᑎᑦ ᐊᑐᕐᓗᒋᑦ ᐊᔪᕈᖕᓇᐃᖅᓴᓂᖅ

ᑕᑯᓗᒋᑦ ᖃᓄᐃᓕᐅᕈᑎᑦ

ᑕᑉᑯᐊ ᐃᖅᑐᐊᖅᑐᔭᕐᑐᑦ ᐸᑦᑕᖑᐃᑦ ᐊᑐᑎᓕᑦ ᐃᓕᓐᓂᐊᖅᑐᓄᑦ ᐃᓕᓂᐊᓕᓴᓐᓂᑦ 3-ᒧᑦ ᐃᓕᓂᐊᕐᓂᓕᖕᓄᑦ ᑭᓯᐊᓐᓂ ᐅᖓᑕᓐᓄᑦ ᐃᓕᓂᐊᕐᓂᓕᖕᓄᑦ ᐊᑐᑎᖃᕐᒥᔪᑦ. ᐃᖅᑐᐊᖅᑐᓐᓂᒃ ᐅᔭᕋᐅᔭᖅᑐᓐᓂᒃ ᐊᑐᕐᓗᓐᓂ , ᑕᒻᓇ ᐃᓕᓂᐊᖅᑐᖅ ᖃᐅᔨᒪᓕᕈᖕᓇᖅᑐᖅ ᐅᓄᖅᑐᓐᓂᒃ ᐊᔨᖏᖏᑐᓐᓂᒃ ᓴᓇᔪᓪᓗᐊᕐᒪᑦ ᐃᖅᑐᐊᖅᑐᖑᐊᕐᓂᒃ ᐊᑐᕐᓗᓐᓂ. ᑕᑉᑯᐊᓗ ᐊᓯᖏᓐᓂᒃ ᐃᓕᓂᐊᕈᑕᐅᔪᓪᓗᐊᖅᑐᑦ ᖃᐅᔨᓴᕐᓂᕐᒥᒃ, ᓇᓗᓇᖅᑐᓕᕆᓂᕐᒥᒃ, ᓱᓇᒥᐊᓐᓂᒃ ᐊᕿᒃᓯᔪᓪᓗᐊᕐᓂᕐᒥᒃ, ᑎᑎᕋᐅᔭᕐᓂᕐᒥᒃ ᐊᒻᒪ ᓇᓴᐅᓯᕆᓂᕐᒥᒃ. ᖃᐅᔨᒋᐊᕈᖕᓇᖅᐳᑦ ᐃᓕᓐᓂᐊᖅᑐᑦ STEAM ᑕᒻᓇ ᑭᒡᓕᖃᕐᓂᖓᓐᓂᒃ ᐃᓕᓂᐊᕈᑕᐅᔪᓪᓗᐊᕐᓂᖓ. ᑕᑉᑯᐊ ᓇᓗᓇᖅᑐᑦ ᐃᓕᓂᐊᒐᒃᓴᑦ ᖃᕆᑕᐅᔭᒻᒥᑦ ᑕᑯᔭᐅᔪᖕᓇᖅᑐᑦ ᐅᕙᓐᓂ ᐊᑕᐅᓯᐅᓇᖅᑎᓪᓗᒋᑦ ᐃᓕᓂᐊᒐᐅᔪᓪᓗᐊᕐᒪᑕ.

ᐃᒋᑦᑕᕐᓗᒍ ᑎᑎᕋᐅᔭᕐᓂᖅ ᐊᔪᕈᖕᓇᐃᖅᓴᐅᑦ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍn

ᑕᒻᓇ ᑎᑎᕋᖑᐊᕐᓗᓐᓂ ᐱᓕᕆᐊᒃᓴᖅ ᐊᕿᒃᓯᐊᓚᓐᓇᖅᑐᖅ ᓱᓇᓕᐅᕈᖕᓇᕐᓂᖅᓂᒃ ᐃᓱᒪᐃᑦ ᐊᑐᕐᓗᒍ. ᐊᑐᑎᖃᖅᑐᖅ ᓱᓇᒥᐊᓐᓂᒃ ᐃᓱᒪᑲᓂᖅᑕᕐᓗᑎᑦ ᑎᑎᕋᐅᔭᕈᖕᓇᕐᓂᑦ ᓴᕿᓂᐊᕐᒪᑦ. ᖃᐅᔨᓴᕈᑕᐅᓯᒪᔪᑦ ᑕᑯᓐᓇᓚᐅᕐᒪᑕ ᐃᓕᖕᓂᒃ ᐱᓂᓗᒐᔭᕈᕕᑦ ᑎᑎᕋᐅᔭᕐᓂᕐᒥᒃ ᐅᓄᖅᑐᓐᓂᒃ ᐱᕙᓪᓕᕈᑎᖃᕋᔭᖅᐳᖅ ᐊᓐᓂᐊᖅᑕᐃᓕᓂᕐᓄᑦ ᐊᒻᒪ ᐃᓄᓯᖃᑎᐊᕐᓂᕐᓄᑦ. ᐊᔪᕐᓇᕐᓂᐊᖅ ᓇᓂᓯᓂᕐᒥᒃ ᓱᓇᒥᒃ ᓴᓇᔭᕆᐊᒃᓴᒻᒥᒃ – ᑎᑎᕋᖅᓯᒪᖏᑐᖅ ᐊᓕᓚᔪᖅ ᓇᓗᓇᖅᖢᓂᓗ! ᑲᐱᐊᓱᖏᒥᐊᕐᓗᑎᑦ, ᑎᑎᕋᐅᔭᖑᐊᕐᓂᐊᓗᕐᓐᓂ ᐊᔪᕐᓇᖅᑐᓐᓂᒃ ᐊᔪᕈᖕᓇᐃᖅᓴᕈᑎᒋᓗᒋᑦ ᐃᑲᔪᕐᓂᐊᕐᒪᑦ ᐃᓱᒪᖕᓂᒃ ᑎᑎᕋᐅᔭᕐᓂᕐᒥᒃ. ᐊᔨᖏᖏᑐᓐᓂᒃ ᑎᑎᕋᐅᔭᕈᖕᓇᓕᕐᓗᑎᑦ ᐊᔪᕐᓇᖏᑐᓐᓂᑦ ᐱᒋᐊᕈᙱᖃᕐᓗᑎᑦ. ᖁᕕᐊᓱᒍᑎᒥᐊᖑᓂᐊᖅ ᓱᓗᐊᕈᑕᐅᓗᓂᓗ. ᖃᐅᔨᒪᓇᖏᑐᖅ ᓱᓂᐊᓕᕐᒪᖓᕐᒥ ᑎᑎᕋᐅᔭᓕᕈᕕᑦ ᐊᔨᖏᖏᑐᓐᓂᒃ!

ᐊᓯᐊᓄᑦ ᐊᑕᖏᑐᖅ ᓇᓗᓇᐃᑯᑕᖓ: ᓴᓇᐅᒐᐅᑉ ᕿᔪᖓ ᐊᕿᒃᓱᒐᖅ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍn

ᑕᒻᓇ ᓇᓗᓇᐃᑯᑕᑎᒍᑦ ᓴᓇᔭᐅᓱᖅᑐᖅ ᐊᒧᕈᖕᓇᐃᖅᓴᐅᑦ ᐃᓕᓐᓂᐊᖅᑐᓄᑦ ᓴᓇᐅᑎᖏᓐᓂᒃ ᐱᖅᑎᕆᔪᑕᐅᑉᓗᓐᓂ ᐊᕕᒃᑐᖅᓯᒪᔪᑦ ᐊᑐᕐᓗᒋᑦ. ᐃᓕᓐᓂᐊᖅᑐᑦ ᑕᑯᑲᓂᕈᖕᓇᕐᓂᐊᑦ ᖃᕆᑕᐅᔭᒻᒥᒃ ᐊᑐᕐᓗᑎᒃ ᐊᔨᖏᖏᑐᓐᓂᒃ ᐃᓕᔭᒐᕐᓂᒃ, ᓴᓇᓗᑎᒃ ᐊᔨᖑᐊᕐᒥᒃ ᐅᖃᐅᓯᕐᓂᒃᓗ ᐃᓕᔭᒐᕐᓂᒃ ᐊᑐᕐᓗᑎᒃ ᕿᔪᑦᓇᓐᓂᒃ ᐊᕕᒃᑐᕐᓗᒋᓪᓗ ᒥᑭᓂᖅᓴᐅᓕᓗᕐᒋᑦ. ᑕᑉᑯᐊ ᕿᔪᐃᑦ ᐊᖏᓂᖅᓴᐅᓕᕐᓗᑎᒃ ᑭᓯᐊᓐᓂ ᐃᓂᖏᓂᓯᐅᖏᑐᑦ, ᐃᓕᓐᓂᐊᖅᑐᑦ ᐊᕿᒃᓱᐃᓂᓗᒡᓗᑎᒃ ᓇᓗᓇᖅᑐᖑᐊᕐᒥᒃ ᑕᑉᑯᐊ ᕿᔪᐃᑦ ᐃᓂᖏᓐᓄᑦ ᐃᓕᓗᓂᒋᑦ ᐊᔨᖑᐊᖅ ᓇᒻᒪᒃᓯᓂᐊᕐᒪᑦ.

ᐊᓯᐊᓄᑦ ᐊᑐᖏᑐᖅ ᓇᓗᓇᐃᑯᑕᖓ: Story Map Sequence

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍn

ᑕᒻᓇ ᑲᐳᑎᔭᕆᐊᖃᖏᑐᖅ ᐱᓕᕆᐊᒃᓴᖅ ᑐᕋᖓᓗᐊᖅᑐᖅ ᒪᒃᑯᖕᓂᖅᓴᓐᓄᑦ ᑐᕋᖓᑉᓗᓐᓂ ᐱᒃᑲᓂᕈᑕᐅᔪᓐᓂᒃ. ᐃᓕᓐᓂᐊᖅᑐᑦ ᑕᑯᒋᐊᑲᓂᖅᑕᕐᓗᑎᒃ ᐱᑲᓂᕈᑎᖏᓐᓂᒃ ᐃᓕᑕᖅᓯᔪᓪᓗᐊᓕᕐᓗᑎᒃ ᐊᕙᑎᖕᓂᓯᐅᖅᑐᑦ – ᐅᓂᑉᑲᖅᑐ ᕿᒥᕈᐊᑦ ᐊᕙᑎᖕᓂᓯᐅᖅᑐᑦ! ᐃᓕᓐᓂᐊᕐᓂᐊᑦ ᕿᒥᕈᐊᕐᒥᒃ ᐅᖃᓕᒪᖅᑐᓗᐊᖅᐳᑦ ᐊᑎᓕᖕᒥᒃ ᐊᐅᑉᐱᖅ ᑲᐊᒃᑐᖅ (The Very Hungry Caterpillar) ᕿᒥᕈᐊᓕᐊᖓ ᐃᐊᕆᒃᑲᐅᓪ ᖃᕆᔭᐅᑎᒃᑯᑦ ᑕᐅᑐᒃᑐᓗᐊᑲᑦ ᕿᒥᐊᕈᐊᖅ ᑎᑎᕋᒐᐅᓐᓂᑯ ᒥᓯᐅᓪ ᐅᐸᐊᒻᒪ (Michelle Obama). ᐱᐊᓂᒐᐅᓗᑎᒡᓗ ᐱᓕᕆᐊᕆᔭᐅᒐᓂᒃᐸᑕ ᓴᕿᑎᑦᓯᔪ9ᓗᐊᓕᕐᓗᑎᒃ ᒪᓕᒐᖃᖅᑐᓐᓂᒃ ᑲᔪᓯᔪᓪᓗᐊᕈᑎᖓᓗ ᓇᓗᓇᐃᑯᑕᖏᑕ ᐱᕙᓪᓕᐊᕋᐅᔭᓗᑎᒃ ᐊᓯᖏᓐᓂᒃ ᓇᓴᐅᑎᖃᓕᕐᓗᑎᒃ.

ᓇᖕᒥᓂᖅ ᐊᕿᒃᑕᕐᓂᖅ ᐊᐅᓚᑎᑕᕐᓂᒃᓗ ᓴᓇᔪᓪᓗᐊᓕᕐᓂᖅ

ᑕᑯᓗᒋᑦ ᖃᓄᐃᓕᐅᕈᑎᑦsᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᐃᖕᒥᓂᒃ ᓯᕗᒻᒧᐊᓱᖅᑐᖅ ᑕᒻᓇ ᓴᓇᓂᐊᕐᓗᒍ ᐊᔪᕐᓗᐊᖕᑐᖅ. ᐊᐅᓚᔪᑎᖃᖅᖢᓐᓂ ᑕᒻᓇ ᐊᐅᓚᓪᓗᒍ ᐊᐅᓚᓱᖅᑐᖅ. ᐊᑐᕐᓂᐊᓗᒍ ᐃᖕᒥᓂᒃ ᓯᕗᒻᒧᐊᓱᖅᑐᒻᒥᒃ ᓴᓇᓗᑎᑦ ᐱᑕᖃᕐᓂᐊᒻᒥᒃ ᐊᐅᓚᑕᐅᔪᑎᖓᓐᓂᒃ ᐊᓯᐊᓐᓄᑦ ᐊᐅᓚᓪᓗᐊᕕᓕᕐᓗᒍ ᓯᕗᒻᒧᐊᒍᑎᖃᓕᕐᓗᓐᓂ. ᐃᒥᒐᐅᑉ ᒪᑐᖓ ᓇᕿᒃᑯᓐᓂ ᐊᐅᓚᔪᑎᖓᓐᓂᒃ ᓄᐃᑦᑎᓂᐊᖅᐳᑎᑦ, ᓴᑉᑯᑯᖕᓂᓕ ᐱᓪᓗᐊᕕᖕᒥᒃ ᓯᕗᒧᐊᓕᕐᓗᓐᓂ.

ᓇᓗᓇᐃᑯᑕᓂᒃ ᐃᓕᓯᔪᓪᓗᐊᓕᕐᓂᖅ ᐅᖃᐅᓯᖏᑦ: ᓇᒧᑐᐃᓐᓇᖅᑐᑦ ᐊᕿᓱᒐᑦ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍn

ᑯᕆᔅ ᑯᕋᔅ (Kriss Kross) ᐃᓕᑕᖓᕐᓂᒃ ᐊᑐᖅᐳᖅ ᐊᔪᕈᑕᐅᔪᑦ ᐊᕿᒃᓱᑎᖏᓐᓂᒃ ᐃᓱᒪᒃᑯᑦ ᐊᕿᒃᓂᓗᒡᓗᒍ. ᑕᒻᓇ ᐃᓕᑦᑕᒐᖅ ᐱᒋᐊᕈᑎᖃᕐᓗᓐᓂ ᐱᑕᖃᖏᑐᒻᒥᑦ ᐃᓕᓂᐊᖅᑐᑦ ᐅᖃᐅᓯᕐᓂᒃ ᐊᑐᕐᓗᑎᒃ ᑕᑕᑎᕐᓗᒋᑦ ᓇᓗᓇᐃᑯᑕᓂᒃ ᐊᑐᕐᓗᑎᒃ. ᑕᑉᑯᐊ ᐃᓕᓂᐊᖅᑕᖏᖅ ᓇᓴᐅᑎᓐᓂᒃ ᑎᑎᖃᓂᒃᓗ ᐊᑐᕐᓗᑎᒃ ᐃᓕᑉᕕᖏᓐᓄᑦ. ᐃᑲᔪᕈᑕᐅᓂᐊᑦ ᓴᓇᐅᓯᕆᓂᕐᒥᒃ ᐃᓕᑎᑲᓐᓂᕈᑲᐅᓗᑎᒃ ᐊᒻᒪ ᐅᖃᑎᐊᕈᖕᓇᕐᓂᕐᒥᒃ ᑎᑎᕋᐅᔭᑎᐊᕈᖕᓇᕐᓂᒃᒥᒃᓗ.

ᐱᒋᐊᕈᑎᖓ ᓇᓗᓇᐃᑯᑕᓕᐅᕐᓂᖅ ᐅᖃᐅᓯᕐᓂᒃ: ᐊᐅᓚᔨᓂᓗᒡᓗᓐᓂ ᕿᑎᒍᑕᐅᔪᖅ

ᑕᑯᓗᒋᑦ ᖃᓄᐃᓕᐅᕈᑎᑦᐊᒥᓱᓕᐅᕐᓂᐊᖅ ᖃᕆᑕᐅᔭᕐᒧᕐᓗᒍ

ᐊᓯᖏᓐᓗᑦ ᐊᑕᖏᑐᖅ ᐱᓕᕆᐊᒃᓴᖅ ᑐᕋᒐᓗᐊᖅᑐᖅ ᒪᒃᑯᖕᓂᖅᓴᓐᓄᑦ ᐃᓕᓂᐊᑎᑕᐅᓂᐊᕐᓗᑎᒃ ᓇᓗᓇᐃᑯᑕᓐᓂᒃ ᐃᓕᓯᓂᕐᒥᒃ ᐳᐃᒍᕆᒃᑯᑎᓕᖕᓂᒃ ᐊᑐᕐᓗᑎᒃ ᕿᑎᒍᑎᓐᓂᒃ. ᐃᓕᓂᐊᕐᓂᐊᖅᑐᑦ ᓇᓗᓇᐃᑯᑕᓂᒃ ᐊᑐᕐᓗᑎᒃ ᐳᐃᒍᖅᑕᐃᓕᓂᕐᒧᑦ ᕿᑎᒍᒻᒥ. ᐃᓕᓂᐊᖅᑐᑦ ᓇᓗᓇᐃᑯᑕᐃᑦ ᑎᑎᕋᐅᓯᖏᓐᓂᒃ, ᓇᓴᐅᓯᕆᓂᖏᓐᓂᒃ, ᐅᖃᐅᓯᒃᑯᓪᓗ ᑎᑎᕋᐅᔭᕐᓂᕐᒥᒃ. ᓄᑕᐅᓗᐊᖏᑐᑦ ᐳᐃᒍᖅᑕᐃᓕᔪᑎᑦ ᐊᔨᒋᓐᓂᒃ ᑲᑎᑎᕆᓂᕐᒥᒃ ᓴᕿᑎᑦᓯᓗᑎᒃ ᓴᖏᔪᓐᓂᒃ ᓇᓗᓇᐃᑯᑕᓐᓂᒃ ᐅᖃᐅᓯᖏᓐᓂᒃ.


ᓱᑯᕋᑦᔅ ᐱᓕᕆᐊᒃᓴᖏᑦ

ᔅᑯᕋᑦᔅ (Scratch) ᓇᓗᓇᐃᑯᑕᖃᖅᑐᖅ ᑎᑎᖃᓐᓂᒃ ᐅᖃᐅᓯᐅᑉᓗᑎᒃ ᐊᑐᖅᖢᓐᓂ “ᐃᖅᑐᐊᖅᑐᓐᓂᒃ ᓴᓇᕙᓪᓕᐊᓂᖅ” ᓇᓗᓇᐃᑯᑕᐅᑉᓗᑎᒃ ᐅᓂᑉᑲᖅᑐᐊᖑᐊᑦ, ᐊᐅᓚᓱᖅᑐᑦ ᕿᑎᒍᑎᑦ, ᐊᔨᖏᓐᓂᒃ ᐊᔪᖃᖅᓯᓯᒪᔪᑦ ᐊᒻᒪ ᐱᐅᑉᓗᑎᒃ ᑎᑎᕋᐅᔭᖅᓯᒪᔪᑦ. ᐊᑐᕐᓂᐊᕐᓗᓐᓂ ᔅᑯᕋᑦᔅ (Scratch), ᐃᓕᓐᓂᐊᖅᑐᑦ ᖃᐅᔨᒪᓕᖅᑎᑕᐅᓂᐊᕐᐳᑦ ᓇᓗᓇᐃᑯᑕᓐᓂᒃ ᐊᑐᕐᓗᑎᒃ ᐊᒻᒪ ᓴᕿᑎᑦᓯᓂᕐᒥᒃ ᐃᓱᒪᑎᒃ ᐊᑐᕐᓗᒋᑦ ᖃᓄᐃᑐᒥᐊᓐᓂᒃ ᐃᓱᒪᒋᔭᕐᒥᖕᓂᒃ ᐱᖑᖅᑎᑦᓯᓂᓗᒡᓗᑎᒃ.

Introduction to Scratch Series

ᑕᒡᕙᓐᓂ, ᐃᓕᓐᓂᐊᖅᑐᑦ ᑕᑯᑎᑕᐅᓂᐊᖅᐳᑦ ᓴᓇᔪᓪᓗᐊᕐᓂᕐᒥᒃ ᕿᑎᒍᒻᒥᒃ ᔅᑯᕋᑦᔅ (Scratch). ᐊᑐᓚᐅᖅᓯᒪᖏᑲᓗᐊᕈᖕᓂ ᐃᑎᒍᑕᐅᔪᖅ ᔅᑯᕋᑦᔅ (Scratch) ᑕᒻᓇ ᐃᓕᖕᓄᑦ ᑐᕋᖅᑐᖅ!

ᒪᓕᒃᑐᕋᐅᖑᐊᖅᑐᖅ ᕿᑎᒍᑦ ᐱᒋᐊᓕᓴᓐᓄᑦ ᕿᑎᒍᑎᓕᐅᖅᑎᓄᑦ

ᑕᑯᓗᒋᑦ ᖃᓄᐃᓕᐅᕈᑎᑦ

ᐱᒋᐊᓕᓴᖅ ᕿᑎᒍᐊᖅᑐᖅ ᐃᓕᓂᐊᕈᑎᓐᓂᒃ ᕿᑎᒍᑎᓕᐅᕐᓂᕐᒥᒃ ᐊᑐᕆᐊᖃᕋᔭᖅᑐᖅ ᓴᓇᔪᒪᓐᓂᖅᐸᑦ ᔅᑯᕋᑦᔅ (Scratch). ᓯᕗᓪᕐᒥᒃ ᐊᔪᕐᓇᖏᑐᒥᐊᑦᓇᒻᒥᒃ “ᒪᓕᒐᐅᓂᐊᖅᑐᒻᒥᒃ” ᕿᑎᒍᒻᒥᒃ ᐃᓗᐊᓐᓂ ᔅᑯᕋᑦᔅ (Scratch) ᑕᒻᓇ ᒪᖕᑭ ᐸᓇᓐᓇᓐᓂᒃ ᑎᒍᓯᓂᓗᖑᐊᖅᑐᖅ ᓇᐸᖅᑐᖃᕐᓂᕐᒥᒃ ᐊᒥᓱᓂᖅᓴᓐᓂᒃ ᐱᑕᕆᐊᕐᓗᓐᓂ. ᐅᑯᓂᖓ ᕿᑎᒍᑎᓕᐅᕐᓂᐊᖅᑎᓪᓗᒍ ᐃᓕᓐᓂᐊᖅᑐᖅ ᐊᑐᕈᖕᓇᕐᓂᐊᖅᐳᖅ:

  • ᖃᓄᐃᓕᐅᓗᕿᓂᑦ ᐊᕕᒃᑐᖅᓯᒪᔪᑦ
  • ᖃᕆᓴᐅᔭᐅᑉ ᓇᕿᑕᐅᑎᖏᑕ ᑲᑉᐳᔭᖏ
  • ᐊᒃᑐᖅᑕᕐᓂᖓᑕ ᐃᒃᐱᒋᐊᓂᖓᑦ
  • ᒪᓕᒐᖃᖅᑐᑦ ᑎᑎᕋᖅᓯᒪᔪᑦ
  • ᐊᒻᒪᓗᖅᓯᓯᒪᔪᑦ
  • ᓄᑕᐅᓂᖓᓄᑦ ᐊᕕᒃᑐᖅᓯᒪᔪᑦ
  • ᓂᐱᖓᓐᓄᑦ ᐊᕕᒃᑐᖅᓯᒪᔪᑦ
  • ᐊᔾᔨᒋᖏᑐᑦ

ᐊᓯᐅᓯᒪᔪᖅ ᓯᓚᕐᔪᐊᕐᒥ ᕿᑎᒍᑦ ᐱᒋᐊᓕᓴᖅᑐᓐᓄᑦ ᕿᑎᒍᑎᓕᐅᖅᑎᓐᓄᑦ

ᑕᑯᓗᒋᑦ ᖃᓄᐃᓕᐅᕈᑎᑦ

ᐃᓕᓐᓂᐊᖅᑐᑦ ᕿᓂᕈᖕᓇᕐᓂᐊᖅᑐᐳᑦ ᓴᓇᓂᕐᒥᒃ ᓇᖕᒥᓂᖅ ᐊᔨᖑᐊᕐᒥᒃ ᖃᕆᑕᐅᔭᒻᒥ, ᓄᑎᔪᖕᓇᕐᓂᕐᒥᒃ ᓇᕿᑦᑕᐅᑎᖏ ᖃᕆᑕᐅᔭᐅᑉ ᐊᑐᕐᓗᒋᑦ, ᐊᒻᒪ ᓄᖃᖅᑎᑦᓯᓂᕐᒥᒃ ᐃᓕᑕᖅᓇᖏᑐᖑᐊᕐᒥᒃ ᖃᕆᑕᐅᔭᐅᑉ ᐃᒐᓚᐅᔭᖓᒍᖅᑎᑕᐅᓕᓂᕐᒥᒃ. ᓴᓇᓂᐊᕈᒻᒥ ᑕᑉᓱᒥᖓ ᕿᑎᒍᒻᒥᒃ, ᐃᓕᓐᓂᐊᖅᑐᖅ ᐅᑯᓂᖓ ᐊᑐᕐᓂᐊᖅᐳᖅ:

  • ᖃᕆᓴᐅᔭᐅᑉ ᓇᕿᑕᐅᑎᖏᑕ ᑲᑉᐳᔭᖏ
  • ᐊᒃᑐᖅᑕᕐᓂᖓᑕ ᐃᒃᐱᒋᐊᓂᖓᑦ
  • ᒪᓕᒐᖃᖅᑐᑦ ᑎᑎᕋᖅᓯᒪᔪᑦ
  • ᐊᒻᒪᓗᖅᓯᓯᒪᔪᑦ
  • ᓄᑕᐅᓂᖓᓄᑦ ᐊᕕᒃᑐᖅᓯᒪᔪᑦ
  • ᑲᑕᒃᑎᒐᐅᓂᖏᓐᓄᑦ ᐱᓕᕆᔪᑦ

ᓂᕆᔪᒪᔪᖅ ᐃᖃᓗᒡᔪᐊᖅ ᕿᑐᕐᓕ ᓯᕗᓪᓕᕐᓄᑦ ᕿᑎᒍᑎᓕᐅᖅᑎᓐᓄᑦ

ᑕᑯᓗᒋᑦ ᖃᓄᐃᓕᐅᕈᑎᑦ

ᐃᓕᓐᓂᐊᕈᑕᐅᓂᐊᖅᑐᖅ ᒪᒃᑯᖕᓂᖅᓴᓄᖓᔪᖅ ᐊᑐᕈᖕᓇᖅᓯᖁᑉᓗᒋᑦ ᔅᑯᕋᑦᔅ (Scratch) ᑭᑎᒍᑎᓕᐅᕈᖕᓇᖅᓯᓂᐊᕐᒪᑕ. ᐊᖑᓇᓱᒍᖕᓇᖅᑐᒻᒥᒃ ᐊᒻᒪ ᐊᖑᓇ)ᒐᐅᔪᒻᒥᒃ ᑭᑎᒍᑎᓕᐅᕐᓂᐊᖅᐳᑦ ᐃᒐᓚᐅᔭᕐᒥ ᑕᐅᑐᒡᓗᑎᒃ ᐅᓄᖅᑐᓐᓂᒃ ᐃᖃᓗᖕᓂᒃ ᐅᐊᖑᐊᖅᑐᓐᓂᒃ!

ᕿᑐᕐᓕ ᐊᕕᒡᓗᒋᑦ ᐊᔾᔨᒋᓕᖅᑎᓪᓗᒋᓪᓗ

ᑕᑯᓗᒋᑦ ᖃᓄᐃᓕᐅᕈᑎᑦ

ᐃᓕᓐᓂᐊᖅᑐᑦ ᐊᔪᕈᖕᓇᐃᑎᐊᖅᓯᒪᓕᖅᑐᑦ ᔅᑯᕋᑦᔅ (Scratch), ᖃᐅᔨᒋᐊᕈᖕᓇᖅᐳᑦ ᑲᑎᖅᓱᐃᓗᑎᒃ ᐊᔨᒋᓕᖅᑎᑦᓯᓗᑎᒡᓗ. ᐱᓕᕆᐊᕐᒥ, ᐃᓕᓐᓂᐊᖅᑐᑦ ᐱᖓᓱᓐᓂᒃ ᐸᑦᑕᖕᓂᒃ ᑐᓂᔭᐅᓂᐊᕐᒪᑕ. ᐊᑐᕈᖕᓇᖅᓯᓗᑎᒃ ᓇᓗᓇᐃᑯᑕᕐᒥᒃ ᒪᕈᖕᓂᑦ ᐱᖓᓱᒐᓗᐊᖅᑎᓪᓗᒋᑦ ᐸᑦᑕᐃᑦ ᓇᖕᒥᓂᖅ ᕿᑎᒍᑎᓕᐅᕈᖕᓇᖅᓯᓂᐊᕐᒪᑕ ᐅᓂᑉᑲᖅᑐᐊᓕᐅᕐᓗᑎᒡᓗᓐᓂᑦ.


ᐱᖓᓱᐃᓕᖓᔪᑦ ᐊᕿᒃᑕᐅᓯᒪᔪᑦ: ᐊᑯᓯᒪᔪᑦ ᐊᒥᓱᓕᐅᕐᓗᒋᑦ ᐊᑕᐅᓯᐅᓇᖅᑎᕐᓗᒋᑦ 1-11

ᑕᑯᓗᒋᑦ ᐊᕕᒃᑐᖅᓯᒪᔪᑦ

ᐱᒋᐊᕈᑎᒋᓗᒍ ᐳᓕᓐᑕ (Blender) ᐃᓕᓐᓂᐊᕈᑕᐅᓗᓐᓂ ᓇᓂᓯᓂᓗᖕᓂᕐᒥᒃ ᐊᑐᓕᖅᑎᓪᓗᒋᓪᓗ ᐱᓕᕆᔪᑎᑦ ᐊᕿᒃᓱᐃᓂᕐᒥᒃ ᐃᓕᖕᓂᒃ ᐊᑐᕐᓂᐊᖅᑕᕐᓂᖅ ᐱᖓᓱᐃᓕᖓᔪᒻᒥᒃ ᐊᒥᓱᓕᐅᕈᖕᓇᖅᓯᖁᑉᓗᑎᑦ.


ᐃᓄᖑᐊᑦ ᓴᓇᔭᐅᓂᖏᖅ: ᑯᕆᑦᑕ (Krita) ᑭᒥᕈᐊᖓᑦ 10 ᐃᓚᑲᓂᖅᓯᒪᔪᑦ ᑲᔪᓯᑐᐃᓐᓇᖅᑐᑦ

ᑕᑯᓗᒋᑦ ᐊᕕᒃᑐᖅᓯᒪᔪᑦ

ᐃᓗᐊᓐᓂ, ᐃᓕᓐᓂᐊᖅᑎᑎᔨ ᐃᐊᓐ ᒪᒃᓕᓐ ᐃᓕᓐᓂᐊᖅᑎᑎᓂᐊᖅᐳᖅ ᐃᓕᖕᓂᒃ ᖃᓄᖅ ᕕᕆᑦᑕ ᒪᒃᐱᖅᑐᕋᖑᕋᔭᕐᒪᖓᑦ. ᖃᐅᔨᒪᔭᕆᐊᓕᑦ ᐃᓕᓐᓂᐊᕐᓗᒋᑦ ᐊᒻᒪ ᓯᕗᓂᕐᒥᓯᐅᖅᑐᑦ ᑯᕆᑕᒻᒥ ᒪᒃᐱᖅᑐᕋᓕᐅᕈᖕᓇᖅᓯᓂᐊᕋᕕᑦ!