COVID-19

The health and safety of our participants and employees is our top priority. All events are suspended until further notice.

Learn More
COVID 19 – ᐱᓐᖑᐊᒃᑯᑦ ᑲᑐᔾᔨᖃᑎᒌᖏᑦ

COVID 19 – ᐱᓐᖑᐊᒃᑯᑦ ᑲᑐᔾᔨᖃᑎᒌᖏᑦ

ᑕᒫᓂ ᒪᔾᔨ 11, 2020-ᖑᑎᓪᓗᒍ, ᓄᓇᕐᔪᐊᕐᒥ ᐋᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᒡᔪᐊᖏᑦ ᐃᓕᑕᕆᔭᐅᓯᒪᔪᒥᒃ ᑕᐃᓯᒋᐊᓕᓚᐅᖅᑐᑦ ᓄᕙᖕᓇᕐᔪᐊᕌᓗᖕᒥᒃ-ᐊᐃᑦᑐᖅᑕᐅᕙᓪᓕᐊᔪᒥᒃ-19-ᒥ, ᓄᓇᕐᔪᐊᓕᒫᒥ ᐊᐃᑦᑐᖅᑕᐅᕙᓪᓕᐊᓂᕋᖅᑕᐅᓗᓂ ᓇᒧᑐᐃᓐᓇᖅ, ᑕᒪᓐᓇ ᑐᑭᖃᖅᑐᖅ ᓄᓇᕐᔪᐊᓕᒫᒥ ᐊᐃᑦᑐᖅᑕᐅᕙᓪᓕᐊᓕᕐᓂᖓᓂᒃ ᓄᑖᕐᒥᒃ ᐋᓐᓂᐊᓕᕈᑕᐅᕙᓕᖅᑐᖅ ᐃᓅᔪᓐᓃᕈᑕᐅᔪᓐᓇᖅᑐᖅ. ᑕᐃᒃᑯᐊ ᐃᓄᓕᒫᓂᑦ ᐋᓐᓂᐊᖅᑐᓕᕆᔨᒃᑯᑦ ᑲᓇᑕᒥ ᑐᓴᒐᒃᓴᖃᐃᓐᓇᕋᓗᐊᖅᓱᑎᒃ ᐃᓄᓕᒫᓄᑦ ᐋᓐᓂᐊᖅᑖᕆᔭᐅᖃᑦᑕᕈᓐᓇᕐᓂᖓ ᐃᓄᖁᑎᖏᓐᓄᑦ ᐅᓗᕆᐊᓇᕐᓂᖓᓗ ᓱᓕ ᐊᑦᑎᒃᑐᒦᒃᑲᓗᐊᖅᑎᓪᓗᒍ, ᖃᓄᐃᓕᐅᕆᐊᑲᐅᑎᒋᔪᒪᓕᖅᑐᒍᑦ ᑕᒪᐃᓐᓂᒃ ᐊᑐᓕᖁᔭᐅᔪᓂᒃ ᐅᔾᔨᖅᑐᑦᑎᐊᖁᔭᐅᔪᓂᒃ ᒪᓕᒡᓗᑕ, ᖃᓄᐃᓕᖓᕙᒌᕈᒪᓂᑦᑎᓐᓄᑦ ᓈᒪᔪᓂᒃ ᐊᑐᕋᓱᐊᕈᓐᓇᕐᓂᖅ ᐊᔪᕐᓇᖏᓐᓂᓕᒫᖓᓂ ᐊᒻᒪᓗ ᐊᒃᑐᖅᑕᐅᓗᐊᖅᑕᐃᓕᖁᔨᓂᕐᒧᑦ ᓄᕙᖕᓇᕐᔪᐊᕌᓗᖕᒧᑦ ᓄᑖᖑᔪᖅ ᐊᓐᓂᐊᓕᕈᑕᐅᕙᖕᓂᖓᓂᒃ ᐃᓄᖕᓄᑦ, ᐊᓯᒥᓄᓪᓗ ᐃᓄᖕᓂᒃ ᐊᐃᑦᑐᖅᑕᐅᔪᓐᓇᕐᓂᖓᓂᒃ.  

ᐱᓐᖑᐊᒃᑯᑦ ᑲᔪᓯᔪᒥᒃ ᑐᓴᐅᒪᖃᑦᑕᐅᑏᓐᓇᕐᓂᐊᖅᑐᑦ ᐊᒻᒪᓗ ᐃᓕᓐᓂᐊᖅᑎᑦᑎᕙᓪᓕᐊᖏᓐᓇᕐᓗᑎᒃ ᐊᒻᒪᓗ ᐊᔪᕈᓐᓃᖅᓴᐃᖃᑦᑕᐃᓐᓇᕐᓗᑎᒃ ᐃᖃᓇᐃᔭᖅᑎᖏᓐᓂᒃ ᐊᒻᒪᓗ ᓇᐅᑦᑎᖅᑐᐃᕙᓪᓕᐊᖏᓐᓇᕐᓗᑎᒃ ᑲᓇᑕᐅᑉ ᒐᕙᒪᒃᑯᖏᓐᓂᖔᖅᑐᓂᒃ ᐅᖃᐅᔾᔨᒋᐊᕈᑎᒃᓴᓂᒃ, ᐊᒻᒪᓗ ᐊᑐᓕᖁᔭᖏᓐᓂᒃ ᐊᑐᓕᖅᑎᑦᑎᓂᐊᖅᓱᑎᒃ ᖃᓄᐃᑦᑐᑐᐃᓐᓇᕐᓂᒃ ᐊᑐᖁᔭᐅᔪᓂ ᓴᐳᓐᓂᐊᕈᑕᐅᔪᓐᓇᖅᑐᓂᒃ ᖃᓄᐃᓕᐅᕈᑎᒃᓴᓂᒃ. 

ᐅᓗᕆᐊᓇᖅᑐᒦᖁᔨᖏᓂᖏᓐᓄᑦ ᐊᔪᕐᓇᖏᓐᓂᓕᒫᒃᑯᑦ, ᐱᓐᖑᐊᒃᑯᑦ ᐅᔾᔨᖅᑐᐃᓐᓇᕐᓂᐊᖅᑐᑦ ᐊᑐᐃᓐᓇᐅᑎᑦᑎᖃᑦᑕᕐᓂᖅ ᐊᒡᒐᓄᑦ ᐃᕐᒥᕕᒃᓴᓂᒃ/ᐅᐋᓴᕐᕕᒃᓴᓂᒃ, ᐊᑐᐃᓐᓇᐅᑎᑦᑎᓗᑎᒡᓗ ᐃᓚᒃᓴᔭᖃᖅᑐᓂᒃ ᓴᖏᔪᓂᒃ ᓴᓗᒻᒪᖅᓴᐅᑎᒃᓴᓂᒃ ᐊᒡᒐᖅᓯᐅᑎᓂᒃ, ᐊᒻᒪᓗ ᑕᐃᒪᖓᑦ ᓴᓗᒻᒪᖅᓴᐃᖃᑦᑕᐃᓐᓇᕐᓂᐊᓕᖅᑐᑦ ᐊᒥᓱᓄᑦ ᐃᓄᖕᓄᑦ ᐊᒃᑐᖅᑕᐅᓯᒪᕙᒃᑐᓂᒃ ᖃᐅᔨᑕᒫᖅ, ᓲᕐᓗ ᑕᒪᒃᑯᓂᖓ ᐅᒃᑯᐊᕐᓂᒃ ᒪᑐᐃᖅᓯᕝᕕᖕᓂᒃ ᐊᒻᒪᓗ ᐱᖁᑎᓂᒃ ᐊᑐᖅᑕᐅᕙᒃᑐᓂᒃ ᓴᓇᕐᕈᑕᐅᓂᕐᒧᑦ ᐊᒻᒪᓗ ᐱᔫᒥᓴᐃᕙᒡᓗᑎᒃ ᐋᓐᓂᐊᖅᑐᓂᒃ/ᖃᓂᒪᔪᓂᒃ ᐃᖃᓇᐃᔭᖅᑎᓂᒃ ᐊᖏᕐᕋᖅᓯᒪᖃᑦᑕᖁᔨᓂᖅ.  

ᐊᖓᔪᖄᕆᔭᐅᔪᓂᒃ ᓱᕈᓯᕐᓄᑦ ᐊᒻᒪᓗ ᐸᖅᑭᔨᐅᕙᒃᑐᓂᒃ ᐊᐱᕆᓕᖅᑐᒍᑦ ᓇᐅᑦᑎᖅᑐᐃᖃᑦᑕᖁᔨᓂᖅ ᒪᑯᓂᖓ ᐱᑕᖃᓕᕈᓐᓇᖅᑐᓂᒃ ᐊᐃᑦᑐᖅᑕᐅᓯᒪᓕᕈᓐᓇᕐᓂᖏᓐᓂᒃ ᕿᑐᖓᖏᓪᓗ ᓱᕈᓰᑦ ᐊᖏᕐᕋᖅᓯᒪᑎᑕᐅᖃᑕᕐᓗᑎᒃ ᑕᒪᒃᑯᓂᖓ ᐊᑐᓕᕈᑎᒃ. ᒪᑯᓂᖓ ᓇᓗᓇᐃᒃᑯᑕᖃᓲᖑᕗᑦ:

  • ᐊᓂᖅᓵᖅᑐᑦᑎᐊᕈᓐᓃᖅᑐᔮᕐᓂᖅ
  • ᓂᐊᖁᐊᒍᑦ ᑎᒥᒃᑯᓘᓐᓃᑦ ᐆᓇᖅᓯᓯᒪᓂᖅ
  • ᖁᐃᖅᑐᖃᑦᑕᕐᓂᖅ
  • ᓇᐃᓈᖅᓯᒪᔪᓂᒃ ᐊᓂᖅᓵᑐᖃᑦᑕᕐᓂᖅ ᐊᒻᒪᓗ ᐊᓂᓵᖅᑐᑦᑎᐊᖃᑦᑕᕈᓃᕐᓂᖅ

ᐊᖓᔪᖄᕆᔭᐅᔪᑦ ᐸᖅᑭᔨᐅᕙᒃᑐᓪᓗ ᐊᐱᕆᔭᐅᒋᕗᑦ ᕿᑐᖓᖏᑦ ᓱᕈᓯᖏᓘᓐᓃᑦ ᐊᐅᓪᓚᖅᓯᒪᔪᕕᓂᐅᓐᕈᑎᒃ ᐅᕝᕙᓗᓐᓂᑦ ᐃᓅᖃᑎᒋᕙᒃᑕᖏᑦ ᐊᐅᓪᓛᖅᓯᒪᓚᐅᕈᑎᒃ ᓄᓇᓕᒡᔪᐊᕐᓄᑦ ᑕᐅᕗᖓ ᐅᕝᕙᓗᓐᓃᑦ ᑕᐅᕙᖔᖅᓯᒪᓚᐅᖅᑐᓂᒃ ᓄᓇᓕᐊᓗᖕᓂᒃ ᐅᑯᓇᖓᑦ: ᑦᓴᐃᓇ, ᕗᕌᓐᓯ, ᔾᔮᒪᓂ, ᕼᐋᖕᑳᖕ, ᐃᕌᓐ, ᐃᑕᓕ, ᔾᔭᐹᓐ, ᓯᓐᖓᐳᐊ, ᑯᕇᔭᐅᑉ ᓂᒋᐊᓂᒃ ᐊᒻᒪᓗ ᔅᐸᐃᓐᒦᓚᐅᕐᓂᕈᑎᒃ (ᓯᐸᐃᓐᒥ), ᐃᓅᖃᑎᒋᔭᖏᓪᓗᓐᓂᑦ ᑕᐅᕙᓃᓚᐅᕈᑎᒃ, ᑕᒫᓂ ᐃᓗᐊᓂ 14-ᖑᓚᐅᖅᑐᓂ ᐅᓪᓘᓚᐅᖅᑐᓂ ᓱᕈᓯᖏᑦ ᐊᖏᕐᕋᖅᓯᒪᖁᔭᐅᕗᑦ (ᖃᓄᐃᑦᑑᔮᖏᑲᓗᐊᑎᓪᓗᒋᓪᓗᓐᓃᑦ). 

ᓂᕆᐅᒃᑐᒍᑦ ᑕᒪᕐᒥᒃ ᐃᖃᓇᐃᔭᖅᑏᑦ ᐊᒻᒪᓗ ᐊᑐᖅᐸᑦᑐᑦ ᐃᖃᓇᐃᔭᕐᕕᑦᑎᓐᓂᒃ ᒪᓕᖁᓪᓗᒋᑦ ᐊᑐᖅᑕᐅᒐᔪᑦᑐᓂᒃ ᐃᑲᔫᕐᓂᖃᕈᓐᓇᖅᑐᓂᒃ ᐊᐃᑦᑐᐃᑦᑕᐃᓕᒪᔪᓐᓇᕐᓂᕐᒧᑦ ᐋᓐᓂᐊᓕᕈᑕᐅᕙᑦᑐᒥᒃ, ᒪᑯᓂᖓ ᐊᑐᕐᓗᑎᒃ:

  • ᑕᐃᒪᖓᑦ ᐊᒡᒐᕐᒥᓂᒃ ᐃᕐᒥᖃᑦᑕᕐᓗᑎᒃ/ᐅᐊᓴᖃᑦᑕᕐᓗᑎᒃ, ᐃᕐᒥᐅᑎᒥᒃ/ᐅᐋᓴᐅᑎᒥᒃ ᐊᑐᖃᑦᑕᕐᓗᑎᒃ ᐃᒪᕐᒥᒡᓗ, ᐊᑯᓂᐅᑎᒋᔭᕆᐊᓕᖕᓂᒃ 20 ᓴᑲᓐᓯᓂᒃ ᐅᖓᑖᓃᓗᓐᓃᑦ
  • ᖃᓂᕐᒥᓂᒃ, ᕿᖓᕐᒥᓂᒡᓗ ᐅᓕᒃᓯᒋᐊᖃᑦᑕᕐᓗᑎᒃ ᐊᐃᑦᑐᐃᓂᐊᖏᓇᒥᒃ, ᖁᐃᖅᑐᓕᕌᖓᒥᒃ ᐊᒻᒪᓗ ᑕᒋᐅᓕᕌᖓᒥᒃ
  • ᐃᓅᖃᑎᒥᓄᑦ ᖃᓂᒡᓕᓗᐊᖅᑕᐃᓕᒪᖃᑕᕐᓗᑎᒃ, ᑮᓇᕐᒥᓂᒃ ᐊᒃᑐᖅᓯᑦᑕᐃᓕᒪᖃᑕᕐᓗᑎᒃ
  • ᐊᖏᕐᕋᖅᓯᒪᖃᑕᕐᓗᑎᒃ ᓄᕙᓕᖅᓯᒪᒍᑎᒃ/ᐋᓐᓂᐊᓕᖅᓯᒪᔪᔮᕈᑎᒡᓗᓐᓃᑦ
  • ᐅᖃᖃᑎᒋᕙᒡᓗᒋᑦ ᐋᓐᓂᐊᓯᐅᖅᑏᑦ ᓯᕗᓂᐊᒍᑦ ᑕᑯᔭᐅᓚᐅᖏᓂᕐᒥᓂᒃ

ᐊᐱᖁᑎᒃᓴᖃᕐᓂᕈᕕᑦ ᐃᓱᒫᓘᑎᖃᕈᕕᓪᓗᓐᓃᑦ ᑖᒃᑯᓂᖓ ᖃᐅᔨᑎᑦᑎᒋᐊᕈᑎᑦᑎᓂᒃ, ᖃᖓᑐᐃᓐᓇᖅ ᐅᖃᖅᑕᐃᓕᓂᐊᖏᓚᑎᓐ ᐅᕙᑎᓐᓄᑦ (internal@pinnguaq.com). 

ᖁᔭᓐᓇᒦᒃ ᐊᒃᓱᐊᓗᒃ ᐅᔾᔨᖅᑐᕋᕕᑦ ᑕᒪᑐᒥᖓ. 

ᐱᓐᖑᐊᒃᑯᑦ ᑲᑐᔾᔨᖃᑎᒌᖏᑦ