ᐱᓕᕆᖃᑎᒌᖕᓂᕐᒧᑦ ᐱᕙᒌᔭᐅᑎ
2023-2025
ᐊᕐᕌᒍᑦ 10−ᖑᔪᑦ ᑖᒃᑯᐊ ᐱᓐᖑᐊᒃᑯᑦ ᑲᑐᔾᔨᖃᑎᒌᑦ ᓇᓗᓇᐃᖅᑕᐅᓚᐅᖅᐳᑦ ᓱᒃᑲᔪᒥᑦ ᐱᕈᕐᓂᖓᓂᑦ, ᐊᖏᒡᓕᕙᓪᓕᐊᓪᓗᓂ ᐱᓇᓱᐊᒐᕆᔭᐅᔪᑦ ᐊᒻᒪ ᐱᓕᕆᐊᒃᓴᕆᑎᑕᐅᔪᑦ ᓴᖅᑭᑦᑎᓗᑎᒃ ᐊᔾᔨᐅᖏᑦᑐᒥᑦ ᖃᐅᔨᓴᖅᑐᓕᕆᓂᕐᒥᑦ, ᖃᕆᓴᐅᔭᓕᕆᓂᕐᒥᑦ, ᐋᖅᑭᒃᓱᐃᓂᕐᒥᑦ, ᓴᓇᓐᖑᐊᕐᓂᕐᒥᑦ, ᓈᓴᐅᓯᕆᓂᕐᒥᑦ ᑕᐃᔭᐅᔪᖅ STEAM−ᒥᑦ ᐃᓕᓐᓂᐊᕐᓃᑦ ᐊᑐᕈᑎᐅᓪᓗᑎᒃ ᓄᓇᓕᒡᔪᐊᖑᖏᓐᓂᖅᓴᓄᑦ, ᓄᓇᓕᖕᓂᑦ ᐅᖓᓯᒋᔭᐅᔪᓄᑦ, ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᖏᓐᓂᑦ ᑲᓇᑕᓕᒫᒥᑦ. ᑐᓵᔭᑦᑎᓐᓂᑦ ᓱᓕ ᐊᒻᒪ ᓱᓕᒃᑲᓐᓂᖅ.
ᓂᕆᐅᒃᐳᒍᑦ ᐊᕐᕌᒍᓄᑦ ᐱᖓᓱᓄᑦ ᐊᑐᕐᓂᐊᖅᑐᓂᑦ ᑕᖏᖃᑦᑎᐊᖅᑐᒥᑦ ᐱᓕᕆᐊᒃᓴᕆᑎᑕᐅᔪᑦ, ᑲᓇᑕᓕᒫᒥᑦ ᑐᕌᖓᔪᓂᑦ, ᐊᒻᒪᓗ ᖃᓄᐃᓕᐅᕈᑕᐅᔪᒪᔪᓂᑦ ᑐᓐᖓᕕᖃᖅᖢᓂ ᑕᐃᒪᓐᓇᑦᑎᐊᖅ ᐊᑐᓪᓗᐊᑕᖅᑐᓂᑦ ᐊᑐᐊᒐᕐᓂᑦ ᑖᓐᓇ ᑕᒪᐅᓐᖓᖅᑎᑦᑎᓯᒪᕗᖅ: ᑲᔪᓰᓐᓇᕈᓐᓇᕐᓂᕐᒥᑦ, ᓇᖕᒥᓂᖃᖅᑎᐅᓂᕐᒧᑦ−ᑐᕌᒐᖃᕐᓂᕐᒥᑦ ᐊᒻᒪ ᐃᓱᒪᒃᓴᖅᓯᐅᕈᓐᓇᑦᑎᐊᕐᓂᒃᑯᑦ ᐱᓕᕆᖃᑦᑕᖅᓯᒪᓂᕐᒧᑦ − ᐊᐅᓚᑕᐅᓪᓗᓂ ᑖᒃᑯᓇᓂ ᓄᓇᓕᖕᓂᑦ ᑭᓐᖒᒪᒋᔭᐅᔪᓂᑦ.
ᐱᓕᕆᖃᑦᑕᖅᓯᒪᓂᐅᔪᑦ ᐊᕕᒃᑐᐃᓂᕐᒧᑦ ᑕᕝᕙᓐᖓᑦ ᐊᑐᔅᓲᔭᕈᓐᓇᕐᓂᐊᓂᑦ ᑐᕌᖅᑕᐅᓇᓱᒃᑐᓂᑦ ᖃᕆᓴᐅᔭᓕᕆᓂᕐᒧᑦ ᐊᔪᓐᖏᑕᐅᔭᕆᐊᓖᑦ−ᐱᖁᖅᓴᕐᓗᒍ ᓄᓇᓕᒡᔪᐊᖑᖏᓐᓂᖅᓴᓄᑦ, ᓄᓇᓕᖕᓂᑦ ᐅᖓᓯᒋᔭᐅᔪᓄᑦ, ᐊᒻᒪ ᓄᓇᖃᖅᑳᖅᓯᒪᔪᓄᑦ ᑲᓇᑕᒥᑦ.
ᑕᐅᑐᒐᕆᔭᕗᑦ ᒪᑭᒪᓂᖃᑦᑎᐊᖅᐳᖅ, ᑲᑎᓐᖓᓂᖃᖅᖢᑎᒃ ᓄᓇᓖᑦ ᑕᒪᐃᑦᑕ ᐊᓂᒍᐃᓂᖃᕈᓐᓇᖅᖢᑎᒃ ᐊᑕᖏᕈᓐᓇᑦᑎᐊᕐᓂᕆᔭᖏᓐᓂᑦ. ᑕᒪᓐᓇ ᐱᓕᕆᖃᑎᒌᖕᓂᕐᒧᑦ ᐸᕐᓇᐅᑎ ᑐᕌᒐᖃᖅᐳᖅ ᑎᓴᒪᐅᔪᓂᑦ ᐊᐃᕋᕐᓂᑦ ᐱᕈᖅᑎᓐᓂᐊᖅᑕᑦᑎᓂᑦ ᐊᓂᒍᐃᓗᑕ ᑕᐅᑐᖂᖅᑕᑦᑎᓐᓂᑦ.
- ᑲᔪᓰᓐᓇᕈᓐᓇᕐᓂᖅ
- ᐱᑐᒃᓯᒪᑎᑦᑎᓂᖅ
- ᐊᑐᖅᑕᐅᔪᓐᓇᖅᑎᑦᑎᓂᖅ
- ᑕᑯᒃᓴᐅᑎᑦᑎᑦᑎᐊᕐᓂᖅ
ᑲᔪᓰᓐᓇᕈᓐᓇᕐᓂᖅ
ᐃᓕᓐᓂᐊᒃᑲᓐᓂᕆᑦ
ᐱᑐᒃᓯᒪᑎᑦᑎᓂᖅ
ᐃᓕᓐᓂᐊᒃᑲᓐᓂᕆᑦ
ᐊᑐᖅᑕᐅᔪᓐᓇᖅᑎᑦᑎᓂᖅ
ᐃᓕᓐᓂᐊᒃᑲᓐᓂᕆᑦ
ᑕᑯᒃᓴᐅᑎᑦᑎᑦᑎᐊᕐᓂᖅ
ᐃᓕᓐᓂᐊᒃᑲᓐᓂᕆᑦ
ᑲᔪᓰᓐᓇᕈᓐᓇᕐᓂᖅ
ᑲᔪᓯᒃᑲᓪᓂᕈᓐᓇᕐᓂᖅ ᐱᓪᓗᐊᑕᐅᕗᖅ ᑐᑭᖃᑦᑎᐊᕐᓂᕐᒥᑦ ᓄᓇᓕᖕᓂᑦ−ᐊᐅᓚᑕᐅᔪᑦ ᐃᓚᐅᑎᑦᑎᓂᕐᓂᑦ.
- ᑲᔪᓯᒃᑲᓐᓂᕈᓐᓇᕐᓂᖅ ᓴᖅᑭᑕᑦᑎᓐᓂᑦ ᐱᓕᕆᐊᒃᓴᓂᑦ,
- ᑲᔪᓯᒃᑲᓐᓂᕈᓐᓇᕐᓂᖅ ᐃᑲᔫᑎᐅᔪᓂᑦ ᓴᖅᑭᑕᑦᑎᓐᓂᑦ,
- ᑲᔪᓯᒃᑲᓐᓂᕈᓐᓇᕐᓂᖅ ᐊᒃᑐᐃᑎᑦᑎᓂᕆᔭᑦᑎᓐᓂᑦ ᓄᓇᓕᕋᓛᖑᓂᖅᓴᓄᑦ, ᐅᖓᓯᒋᔭᐅᔪᓄᑦ ᓄᓇᓕᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ.
ᑐᑭᓕᒃ ᐱᓕᕆᖃᑎᒌᖕᓂᑦᑎᓐᓂᑦ ᑕᑭᔪᒥᑦ ᐅᓯᑲᖅᑕᕐᓂᒃᑯᑦ, ᐊᒻᒪ ᑖᒃᑯᐊ ᑲᑐᔾᔨᖃᑎᒌᑦ ᓴᖅᑭᔮᖅᑎᑦᑎᓂᐊᖅᑐᑦ ᑕᕝᕘᓇ ᐊᑐᖅᓲᔭᕈᓐᓇᕐᓂᒃᑯᑦ ᐊᑐᕐᓂᐅᔪᓂᑦ. ᐱᓐᖑᐊᒃᑯᑦ ᐊᑐᔅᓲᔭᕈᓐᓇᕐᓂᕆᔭᖓ ᓇᓗᓇᐃᕆᕗᖅ ᓂᕈᐊᕈᓐᓇᕐᓃᑦ ᐱᓕᕆᐊᕆᔭᕗᑦ ᐃᓚᐅᔪᓄᑦ. ᓯᕗᓪᓕᖅᐹᕆᔭᖓᓂᑦ ᖃᕆᓴᐅᔭᓕᕆᓂᕐᒥᑦ ᐃᓕᓐᓂᐊᕐᓂᐊᓂᑦ ᑕᕝᕗᖓ ᑐᑭᖃᑦᑎᐊᖅᑐᒧᑦ ᑲᑎᓐᓂᖅ ᓴᖅᑭᑦᑎᑦᑎᔨᐅᓂᕐᒧᑦ − ᐊᒻᒪ ᐊᑐᖅᑎᑐᐃᓐᓇᐅᖏᖦᖢᑎᒃ − ᖃᕆᓴᐅᔭᓂᑦ.
ᐊᑐᓂᑦ ᐃᓕᓐᓂᐊᖅᓯᒪᓂᑰᓪᓗᓂ ᐊᒻᒪ ᐊᑐᓂᑦ ᐱᓕᒻᒪᒃᓴᕐᓂᕐᒧᑦ ᐱᕕᖃᕐᓂᖅ ᑐᕌᖅᑎᑦᑎᓂᐊᖅᐳᖅ ᐊᓯᖏᓐᓄᑦ. ᐱᓕᕆᐊᕆᔭᕗᑦ ᓄᓇᓕᖕᓂᑦ ᑖᓐᓇᐅᕗᖅ ᓇᓗᓇᐃᒃᑯᑎ ᐊᑎᓕᐅᖅᑕᐅᓯᒪᔪᖅ ᐋᖅᑭᒃᓯᓗᑎᒃ ᐃᓂᖅᑯᖅᑐᔪᒥᑦ ᐊᒻᒪᓗ ᐃᑲᔫᑏᑦ ᑲᔪᓯᓗᑎᒃ ᓴᓐᖏᓂᕆᔭᖏᓐᓂᑦ ᓄᓇᓖᑦ ᐃᓱᒪᓕᐅᕐᓗᑎᒃ ᖃᓄᖅ ᐱᓕᕆᐊᕗᑦ ᐱᔨᑦᑎᑦᑎᐊᕐᓂᐊᕐᒪᖔᑦ.
ᐃᓗᓕᓕᒫᖏᑦ ᖃᕆᓴᐅᔭᕐᒥᑦ Software−ᖑᓂᕋᖅᑕᐅᔪᖅ ᐃᑲᔪᖅᑐᐃᕗᒍᑦ ᑕᕝᕗᖓ ᐃᓗᓕᖏᓐᓂᑦ ᐊᒻᒪ ᐊᑐᓂ ᐃᓗᓕᖏᑦ ᐃᓕᓐᓂᐊᒐᒃᓴᐅᔪᑦ ᐊᐅᓚᑕᕗᑦ ᓴᖅᑭᑕᐅᓂᐊᖅᑐᑦ ᐱᓕᕆᖃᑎᖃᕐᓗᑎᒃ ᓄᓇᓕᖕᓂᑦ ᐊᒻᒪ ᐊᑕᐅᓯᕐᒨᖓᔪᖅ ᐋᖅᑭᒃᑕᐅᓯᒪᕗᑦ ᐱᔨᑦᑎᕐᓗᑎᒡᓗ.
ᐱᑐᒃᓯᒪᑎᑦᑎᓂᖅ
ᑖᒃᑯᐊ ᐱᓐᖑᐊᖅ ᑲᑐᔾᔨᖃᑎᒌᑦ ᓴᓇᓂᐊᖅᐳᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᓂᑦ ᑲᑐᔾᔨᖃᑎᒌᖑᔪᓂᑦ ᐊᒻᒪ ᐊᑕᐅᓯᕐᒨᖓᔪᓂᑦ ᑲᓇᑕᓕᒫᒥᑦ ᐃᑲᔪᖅᑐᕐᓗᒋᑦ ᐃᓕᓐᓂᐊᖅᑐᑦ ᐊᖅᑯᑎᒋᔭᖏᓐᓂᑦ.
- ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎ ᐱᑐᒃᑎᑦᑎᕗᖅ ᑲᔪᖏᖅᓴᐃᔪᓂᑦ, ᐃᖅᑲᓇᐃᔮᓂᑦ, ᐊᒻᒪ ᓴᖅᑭᑦᑎᓂᐅᔪᖅ ᐱᕕᖃᕐᓂᐅᔪᖅ ᓄᓇᕐᔪᐊᓕᒫᒥᑦ ᑕᐃᔭᐅᔪᖅ S.T.E.A.M−ᒥᑦ ᓴᓇᕝᕕᐅᔪᑦ.
- ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᐅᔪᖅ ᓴᓇᔭᐅᓚᐅᖅᐳᖅ ᑕᕝᕙᓂ ᓇᖕᒥᓂᖁᑎᖃᖅᑎᐅᑉ ᐊᒃᓱᕈᕐᓇᖅᑎᖦᖢᓂᐅᒃ ᓄᓇᕐᔪᐊᓕᒫᒥᑦ ᖃᐅᔨᒪᔭᐅᓂᖓ ᑕᒪᓐᓇ ᖃᕆᓴᐅᔭᓕᕆᓃᑦ ᐱᕙᓪᓕᐊᓂᖓ ᑕᐅᑐᓪᓗᐊᑕᕐᓂᒃᑯᑦ ᐃᓱᒪᓕᐅᕆᓂᒃᑯᑦ ᓄᓇᓕᕋᓛᖑᓂᖅᓴᓄᑦ, ᐅᖓᓯᒋᔭᐅᔪᓄᑦ ᓄᓇᓕᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ.
- ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎ ᐋᖅᑭᒃᑕᐅᓂᖓ ᓄᓇᓕᖕᓄᑦ−ᕿᑎᐊᓂ ᓂᕈᐊᕆᔭᐅᕗᖅ.
ᑖᓐᓇ ᓴᓐᖏᑦᑎᐊᖅᑐᖅ ᐱᓕᕆᖃᑎᖃᕐᓂᖅ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎ ᒥᒃᖠᓂᐊᖅᐳᖅ ᓴᓇᕝᕖᑦ ᐊᒻᒪ ᐊᑐᒐᒃᓴᐅᓂᖅᓴᐅᓕᕐᓗᓂ ᐃᓄᖕᓄᑦ ᑕᕝᕙᓂ ᓄᓇᓕᕋᓛᖑᓂᖅᓴᓄᑦ, ᐅᖓᓯᒋᔭᐅᔪᓄᑦ ᓄᓇᓕᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖏᓐᓄᑦ ᑲᓇᑕᓕᒫᒥᑦ. ᐊᐅᓚᓂᖃᕐᓂᐊᖅᐳᖅ ᐃᓱᒪᒋᔭᐅᔪᒥᑦ ᑖᒃᑯᐊ ᑲᔪᖏᖅᓴᐃᔩᑦ ᓄᓇᓕᔅᓯᓐᓃᑦᑐᑦ, ᐊᖅᑯᑎᖏᑦ ᐃᓚᐅᓂᕆᔭᕐᓄᑦ ᑐᑭᓯᓇᑦᑎᐊᕐᓂᖅᓴᐅᓂᐊᖅᐳᑦ.
ᑖᒃᑯᐊ ᐱᓐᖑᐊᒃᑯᑦ ᐊᖏᒡᓕᒋᐊᕐᓂᐊᖅᐳᑦ ᐊᒻᒪ ᐋᖅᑭᒃᓱᐃᓗᑎᒃ ᐱᓕᕆᐊᖏᓐᓂᑦ ᑕᐅᓴᖏᓐᓂᑦ ᓄᓇᕐᔪᐊᓕᒫᒥᑦ ᐱᓕᕆᖃᑎᒌᒃᓗᑎᒃ ᐊᕐᕌᒍᑦ ᐊᒡᒋᖅᑐᓂᑦ. ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎ ᓴᖅᑭᑕᐅᓂᐊᖅᐳᖅ ᓴᖅᑭᑦᑎᓗᑎᒃ ᐱᓕᕆᐊᒃᓴᓂᑦ ᑲᔪᓰᓐᓇᕈᓐᓇᕐᓗᑎᒃ ᐃᓕᓐᓂᐊᖅᑎᑦᑎᓂᕐᒥᑦ, ᖃᐅᔨᒪᓂᕆᔭᒥᖕᓂᑦ ᑭᐴᑎᕙᒡᓗᑎᒃ ᐊᒻᒪ ᐱᔪᓐᓇᖅᑎᑦᑎᓗᑎᒃ ᓴᓇᑐᓂᕐᒥᑦ, ᓄᓇᓕᖕᓂᑦ−ᐊᐅᓚᑕᐅᔪᑦ ᐋᖅᑭᒍᑎᐅᔪᑦ ᓴᓇᓗᑎᒃ ᐊᖅᑯᑎᑦᑎᓐᓂᑦ ᓯᕗᒻᒧᑦ.
ᐊᑐᖅᑕᐅᔪᓐᓇᖅᑎᑦᑎᓂᖅ
ᑕᐃᒃᑯᐊ ᐃᓕᓐᓂᐊᖅᑐᑦ, ᐊᔪᖏᒃᑭᕗᑦ. ᐃᓕᓴᐃᔨᐅᓗᓂ, ᐋᖅᑭᒃᓱᐃᔨᐅᓗᓂ, ᐊᒻᒪ ᓴᖅᑭᑦᑎᔨᐅᓗᓂ. ᑖᒃᑯᐊ ᐱᓐᖑᐊᒃᑯᑦ ᑲᑐᔾᔨᖃᑎᒌᑦ ᖃᐅᔨᒪᒋᐊᕐᓂᐊᖅᑐᑦ;
- ᓄᓇᓕᖕᓂᑦ−ᐱᓕᕆᖃᑎᒌᒃᑐᑦ ᐊᑐᕈᑎᓂᑦ ᐊᒻᒪ ᐃᓕᓐᓂᐊᕐᓂᕐᓃᑦ ᐋᖅᑭᒃᓯᓗᑎᒃ ᐃᓂᖅᑯᖅᑐᔪᒥᑦ ᑲᓇᑕᒥᑦ ᓄᓇᓕᕋᓛᖑᓂᖅᓴᓄᑦ, ᐅᖓᓯᒋᔭᐅᔪᓄᑦ ᓄᓇᓕᖕᓄᑦ ᐊᒻᒪ ᓄᓇᖃᖅᑳᖅᓯᒪᔪᑦ ᓄᓇᓕᖕᓂᑦ.
- ᓇᓪᓕᐅᒃᑯᒫᖑᔪᖅ ᑲᔪᖏᖅᓴᐃᔨᓄᑦ ᐊᒻᒪ ᓴᓇᓪᓗᑎᒃ ᐃᓕᓐᓂᐊᖅᑐᑦ ᐱᕈᖅᑎᑦᑎᕗᖅ ᓂᕈᐊᕐᓂᕐᒥᑦ ᑖᒃᑯᓄᖓ ᐱᓐᖑᐊᒃᑯᓐᓄᑦ ᐃᓕᓐᓂᐊᕐᓂᕐᓄᑦ ᐱᓕᕆᖃᑕᐅᔪᑦ.
- ᑐᑭᖃᑦᑎᐊᖅᑐᖅ ᐃᓚᐅᖃᑕᐅᓂᐅᔪᖅ ᑕᕝᕙᓂ ᓴᓇᕝᕕᖕᓂᑦ−ᖁᑎᖕᓂᐅᔪᓂᑦ ᐱᓕᕆᐊᒃᓴᓄᑦ.
ᐋᖅᑭᒃᓯᓂᐊᖅᐳᒍᑦ ᓄᑖᒥᑦ ᐱᐅᓯᕐᒥᑦ ᑖᔅᓱᒧᖓ ᖃᕆᓴᐅᔭᓕᕆᓂᕐᒧᑦ ᐱᕝᕙᓪᓕᐊᓂᒃᑯᑦ ᑲᔪᓯᓂᖃᖅᑎᓪᓗᑕ ᐱᕈᖅᐸᓪᓕᐊᓂᕐᒥᑦ ᐱᓐᖑᐊᕈᑎᑦᑎᓐᓂᑦ, ᐃᑭᐊᖅᑭᕕᖕᓂᑦ ᐊᒻᒪ ᐱᓕᕆᔾᔪᑏᑦ ᐋᖅᑭᒃᓯᒪᔪᑦ ᐱᔨᑦᑎᕋᕐᓂᒃᑯᓪᓗ ᓄᓇᓕᑦᑎᓐᓂᑦ. ᐱᓕᕆᐊᒃᓴᓕᒫᑦ ᐱᕕᒃᓴᑦᑎᐊᕙᐅᕗᑦ ᐱᑐᒃᑎᑦᑎᓂᕐᒧᑦ ᐃᓕᓐᓂᐊᕈᑎᓂᑦ ᓄᓇᕐᔪᐊᒧᑦ ᐋᖅᑭᒃᓯᒪᔪᖅ ᐊᒻᒪ ᓴᖅᑭᑕᐅᓯᒪᔪᖅ.
ᐋᖅᑭᒋᐊᖅᑕᕗᑦ ᐊᒻᒪ ᑲᔪᓯᓪᓗᑕ ᑐᕌᒐᖃᕐᓂᕐᒥᑦ ᑖᔅᓱᒥᖓ ᓇᖕᒥᓂᖁᑎᖃᖅᑎᐅᔪᓄᑦ ᐱᕈᖅᓴᐃᓂᒃᑯᑦ ᓄᓇᓕᐅᑉ ᐅᓄᕐᓂᐊᓂᑦ ᐊᒻᒪ ᑲᔪᓰᓐᓇᕈᓐᓇᕐᓂᐊᓂᑦ ᑕᒪᐅᓇ ᐃᓕᓐᓂᐊᖅᑎᑦᑎᓂᒃᑯᑦ−ᑕᑦᕝᕗᖓ−ᐃᓕᓐᓂᐊᖅᑎᑦᑎᔨᒧᑦ ᑐᕌᖅᑕᐅᓇᓱᒃᑐᖅ ᐃᓕᓐᓂᐊᕐᓂᕐᓄᑦ. ᖃᐅᔨᒪᓂᐊᖅᐳᒍᑦ ᑕᒪᕐᒥᑦ ᐃᓕᓐᓂᐊᒐᒃᓴᐃᑦ ᐃᓕᓐᓂᐊᖅᑎᑦᑎᔾᔪᑕᐅᔪᑦ ᑐᕌᖅᑎᓪᓗᒍ ᓴᓇᑐᓂᕐᒧᑦ, ᐊᑐᕈᑎᐅᔪᒧᑦ, ᓄᓇᓕᖕᓄᑦ−ᕿᑎᐊᓂ ᐋᖅᑭᒍᑏᑦ ᓄᓇᓕᑦᑎᓐᓄᑦ ᑕᕝᕙᓂ S.T.E.A.M−ᖑᔪᒥᑦ.
ᑕᑯᒃᓴᐅᑎᑦᑎᑦᑎᐊᕐᓂᖅ
ᓯᕗᓕᖅᑎᐅᔪᑦ ᕿᓂᖅᑕᕗᑦ ᓄᓇᓕᖕᒦᑲᐅᑎᒋᕗᑦ ᐱᔨᑦᑎᖅᑕᑦᑎᓐᓂᑦ. ᐱᓐᖑᐊᒃᑯᑦ ᑭᒡᒐᖅᑐᐃᓂᐊᖅᐳᑦ ᑖᔅᓱᒧᖓ ᑕᑯᒃᓴᐅᑎᑦᑎᓂᕐᒥᑦ STEAM−ᖑᔪᒥᑦ ᐃᓂᒋᔭᖓᓂᑦ. ᐃᑲᔫᑎᒋᔭᑦᑎᒍᑦ, ᐅᔾᔨᕐᓇᖅᓯᑎᓐᓂᐊᖅᐸᕗᑦ ᑖᒃᑯᐊ ᑲᔪᖏᖅᓴᐃᔩᑦ, ᐃᓕᓴᐃᔩᑦ, ᓴᓇᔩᑦ ᐊᒻᒪ ᓴᖅᑭᑦᑎᔩᑦ ᓇᓗᓇᐃᖅᑕᐅᓯᒪᔪᑦ S.T.E.A.M−ᖑᔪᒥᑦ
- ᑎᑎᕋᖅᑕᐅᔪᑦ ᐱᓕᕆᐊᖑᔪᑦ: ᐅᖃᓕᒫᒐᑦ, ᕿᒥᕐᕈᐊᑦ ᐊᒻᒪ ᐃᓕᓐᓂᐊᕈᑎᒃᓴᐃᑦ ᑲᑎᓯᒪᔪᑦ ᓴᖅᑭᑕᕗᑦ, ᑐᕌᕐᓂᐊᖅᐳᒍᑦ ᓴᖅᑭᔮᖅᑎᓪᓗᑎᒍᓐᓗ ᑖᒃᑯᐊ ᐱᓕᕆᑦᑎᐊᖅᓯᒪᔪᑦ.
- ᐃᖏᕐᕋᓂᖅ: ᑖᒃᑯᐊ ᐱᓐᖑᐊᒃᑯᑦ ᐃᖏᕐᕋᑎᑦᑎᔨᖏᑦ ᐋᖅᑭᒃᑕᐅᓂᐊᖅᐳᑦ ᐊᒻᒪ ᐱᕈᖅᑎᑕᐅᓗᑎᒃ ᐅᔾᔨᕐᓇᖅᓯᑎᓪᓗᒋᑦ ᓄᓇᖃᖅᑳᖅᓯᒪᔪᑦ ᑎᑎᕋᖅᑕᖏᓐᓂᑦ ᑲᓇᑕᐅᑉ ᐃᓗᐊᓂ.
- ᐃᓕᓐᓂᐊᕈᑎᒃᓴᑦ: ᓄᓇᓕᖕᓂᑦ−ᕿᑎᐊᓃᑦᑐᑦ ᐃᓕᓐᓂᐊᕈᑎᒃᓴᐃᑦ ᓇᓗᓇᐃᒃᑯᑏᑦ ᐊᑎᓕᐅᖅᑕᐅᓂᐊᖅᐳᑦ ᐃᓚᒋᓗᒋᑦ ᓄᓇᓕᖕᓂᑦ ᓯᕗᓕᖅᑎᐅᔪᑦ ᖃᐅᔨᒪᒋᐊᕐᓗᑎᒃ ᐊᑑᑎᖃᕐᓂᖓᓂᑦ ᐊᒻᒪᓗ ᑲᔪᓯᒃᑲᓐᓂᕈᓐᓇᕐᓂᕐᒥᑦ.
- ᖃᕆᓴᐅᔭᒃᑯᑦ ᐊᑐᕈᑏᑦ ᑐᖅᑯᖅᓯᒪᔪᑦ ᐊᒻᒪ ᐱᓐᖑᐊᒐᒃᓴᑦ: ᓴᓇᔪᑦ ᑖᒃᑯᐊ ᓄᓇᓕᑦᑎᓐᓂᑦ ᖁᕕᐊᓲᑕᐅᓂᐊᖅᐳᑦ ᐊ ᒻᒪᓗ ᐃᓚᓕᐅᔾᔭᐅᓗᑎᒃ ᐃᓕᓐᓂᐊᕐᓂᕐᒧᑦ ᐊᒻᒪ ᓴᓇᔭᐅᓂᖓ ᐱᕕᒃᓴᐅᔪᓄᑦ.
ᐱᓐᖑᐊᒃᑯᑦ ᑲᑐᔾᔨᖃᑎᒌᑦ ᐊᑐᕐᓂᐊᖅᐳᑦ ᓴᖅᑭᔮᖅᑎᓪᓗᒍ ᐃᓗᓕᓕᒫᖏᑦ ᐱᓕᕆᐊᖑᓂᕆᔭᖏᑦ, ᖃᐅᔨᒪᒋᐊᕐᓗᑎᒃ ᐃᓱᒪᑐᓂᐅᔪᑦ ᓄᓇᓕᑦᑎᓐᓂᑦ ᐊᒻᒪ ᐃᓕᓐᓂᐊᖅᑏᑦ ᕿᑎᐊᓃᕝᕕᒋᔭᖓ. ᓂᕈᐊᕈᓪᓇᕐᓂᐊᖃᕐᓂᐊᖅᐳᑦ ᐃᓄᑑᔾᔨᔪᓄᑦ ᑕᕝᕙᓂ S.T.E.A.M−ᖑᔪᒥᑦ ᐱᑐᐃᓐᓇᐅᓗᐊᓚᐅᖏᒪᑦ ᑕᒪᓐᓇ. ᐱᓐᖑᐊᖅ ᑲᑐᔾᔨᖃᑎᒌᑦ ᖃᐅᒻᒪᒃᑎᑦᑎᓂᐊᖅᐳᑦ ᐊᓂᒍᐃᕙᓪᓕᐊᔪᓂᓄ ᐃᒡᓕᓂᕐᓂᑦ ᖃᐅᔨᒪᒋᐊᕐᓗᑎᒃ ᐃᑲᔫᑎᒋᔭᖏᓐᓂᑦ ᐊᒻᒪ ᐊᓂᒎᑎᒋᔭᖏᓐᓂᑦ ᑲᔪᖏᖅᓴᐃᓂᐅᔪᑦ.