COVID-19

The health and safety of our participants and employees is our top priority. All events are suspended until further notice.

Learn More
ᐊᐅᓚᑦᑎᔨ: ᑲᑎᓐᖓᓂᖅ ᖃᕆᓴᐅᔭᓄᑦ ᐊᐅᓚᓂᖏᑦ

ᐊᐅᓚᑦᑎᔨ: ᑲᑎᓐᖓᓂᖅ ᖃᕆᓴᐅᔭᓄᑦ ᐊᐅᓚᓂᖏᑦ

ᐃᓂᖓ: ᓄᓇᕗᓕᒪᒥᑦ (ᑕᓐᓇ ᐱᓕᕆᐊᒃᓴᖅ ᐊᑐᐃᓐᓇᐅᕗᖅ ᓄᓇᓕᕋᓚᓄᑦ ᐅᕝᕙᓗᓐᓂᑦ ᐃᓄᖕᒧᑦ ᓄᓇᓕᐅᔪᓄᑦ ᓄᓇᕗᒥᑦ)
ᐃᓱᓕᕝᕕᓕᒃ: ᒪᔾᔨ 2025−ᒥᑦ (ᐅᖓᕙᕆᐊᖅᑕᐅᑐᐃᓐᓇᕆᐊᓕᒃ)
ᑐᖅᑲᕐᕕᖃᖅᑐᖅ: ᑲᑎᓐᖓᓂᖅ ᐊᐅᓚᑦᑎᔨᖏᓐᓄᑦ
ᑭᓇᐅᔭᓕᐊᖓ ᐱᒋᐊᕐᕕᓕᒃ: 110,000
ᐃᒡᓗᖃᖅᑎᑕᐅᓂᖅ ᐊᒻᒪ/ᐅᕝᕙᓗᓐᓂᑦ ᓄᑕᐅᓂᖅ ᓄᓇᕗᒧᑦ ᐊᑐᐃᓐᓇᐅᖏᑦᑐᖅ ᑕᔅᓱᒧᖓ ᓴᓇᒃᓴᒧᑦ


ᑕᒃᑯᐊ ᑲᑎᓐᖓᓂᒃᑯᑦ: ᓄᓇᓕᑦ, ᑲᑎᓐᓂᖅ ᐊᒻᒪ ᖃᕆᓴᐅᔭᒃᑯᑦ ᐊᑐᕐᓂᖅ ᐃᓄᑦᑎᐊᕐᓂᕐᒧᑦ ᓄᓇᕗᒥᑦ ᐊᔾᔨᒋᖏᑦᑐᓂᑦ ᐱᓕᕆᐊᖃᕐᓗᓂ ᐊᒻᒪ ᑲᔪᓯᓂᖃᕈᓐᓇᕐᓗᓂ ᓴᖅᑭᑦᑎᓂᒃᑯᑦ ᑕᒃᑯᑎᒍᓇᖅ ᖃᕆᓴᐅᔭᓕᕆᓂᕐᒧᑦ ᐊᒻᒪ ᐱᓐᖑᐊᕈᑎᒃᓴᓕᐅᕐᓂᒃᑯᑦ ᐊᑐᖅᑕᐅᔪᓐᓇᕐᓂᐊᖅᑐᓂᑦ ᒪᒃᑯᒃᑐᓄᑦ ᑲᑎᖃᑎᖃᕐᓂᒃᑯᑦ ᐃᒻᒥᖕᓄᑦ, ᐃᓕᑦᑎᓂᒃᑯᑦ ᐊᔪᕈᓐᓂᕐᓂᕐᒧᑦ, ᐃᓱᒪᒃᑲᓐᓂᕐᓂᕐᒧᑦ ᐊᒻᒪ ᐃᒻᒥᖕᓂᑦ ᓇᓗᓇᐃᔭᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᑦ ᓯᓚᑎᒧᑦ.  ᑕᒃᑯᐊ ᑲᑎᓐᖓᓂᖅ ᖃᕆᓴᐅᔭᓕᕆᔨᑦ (KMN) ᐱᓕᕆᐊᖑᔪᑦ ᓴᖅᑭᑕᐅᓚᐅᖅᐳᖅ ᑲᑐᔾᔨᖃᑎᒋᓄᑦ ᑎᓴᒪᐅᔪᓄᕐ ᑲᑐᔾᔨᖃᑎᒋᑦ; ᓄᓇᕗᒥᑦ ᑲᑐᔾᔨᖃᑎᒋᑦ ᕼᐊᒪᓚᒃᑯᑎᒍᑦ, ᐃᓄᓯᖃᑦᑎᐊᕐᓂᕐᒧᑦ ᑲᑎᒪᔨᖏᑦ, ᐱᓐᖑᐊᑉ ᑲᑐᔾᔨᖃᑎᒋᑦ ᐊᒻᒪ ᖃᐅᔨᒋᐊᖅᑎᑦ ᐊᓐᓂᐊᖃᑉᓇᖏᑦᑐᓕᕆᔨᑦᖃᐅᔨᓴᖅᑐᓕᕆᔨᑦ. ᑕᒪᓐᓇ ᐱᓕᕆᐊᕆᔭᐅᔪᖅ ᖁᕙᕆᐊᖅᑎᑦᑎᓂᐊᖅᐳᖅ ᒪᒃᑯᒃᑐᓄᑦ ᐃᓄᑦᑎᐊᕐᓂᕐᒧᑦ ᐊᒻᒪ ᖃᓄᐃᖏᑦᑎᐊᕐᓂᕐᒧᑦ ᐃᓕᓐᓂᐊᕈᑕᐅᓗᓂ ᐊᔪᕈᓐᓂᕐᓂᕐᒧᑦ, ᖁᕝᕙᕆᐊᖅᑎᑦᑎᓂᐊᖅᐳᖅ ᐃᓱᒪᑦᑎᐊᕐᓂᕐᒧᑦ, ᖁᕕᐊᓱᖃᑎᖃᕐᓂᕐᒧᑦ ᐃᓄᖃᑎᒧᑦ ᐊᒻᒪ ᐃᓐᓇᕐᓂᑦ ᐃᓚᒋᔭᐅᓂᕐᒧᑦ, ᑲᑎᒃᑲᓐᓂᕐᓂᕐᒧᑦ  ᐃᓕᖅᑯᓯᕆᔭᖏᓐᓂᑦ ᐊᒻᒪ ᑭᓇᐅᓂᕐᒥᓄᑦ ᐊᒻᒪ ᓄᑕᓂᑦ ᓴᖅᑭᑦᑎᓂᕐᒧᑦ ᖃᕆᓴᐅᔭᓕᕆᓂᒃᑯᑦ ᐊᒻᒪ ᑲᑎᒃᑲᓐᓂᕐᓂᕐᒧᑦ ᐃᓱᒪᒧᑦ ᖃᓄᐃᖏᑦᑎᐊᕐᓂᕐᒧᑦ. ᑕᒪᓐᓇ ᐊᑐᖅᑕᐅᓂᐊᖅᑐᖅ ᓴᖅᑭᑦᑎᓂᒃᑯᑦ ᖃᕆᓴᐅᔭᓕᕆᓂᒃᑯᑦ ᓄᓇᓕᖕᓂᑦ ᓄᓇᕗᒥᑦ.

ᖃᕆᓴᐅᔭᓕᕆᓂᖅ, ᓇᓗᓇᐃᖅᓯᒪᖕᒪᑦ ᐱᔾᔪᑎᐊ ᐱᓕᕆᐊᖑᔪᑉ, ᑐᖅᑲᖅᑕᕐᕕᐅᕗᑦ ᖃᕆᓴᐅᔭᓕᕆᓂᒃᑯᑦ ᐊᒻᒪ ᖃᓪᓗᓇᑐᑦ ᑕᐃᔭᐅᔪᖅ STEAM−ᖑᓂᕋᖅᑕᐅᔪᖅ (ᖃᔨᓴᖅᑐᓕᕆᓂᖅ, ᖃᕆᓴᐅᔭᓕᕆᓂᖅ, ᐊᖅᑭᒃᓱᐃᓂᖅ, ᓴᓇᓐᖑᐊᕐᓂᖅ, ᓇᓴᐅᓯᕆᓂᖅ) ᐱᓐᖑᐊᒐᒃᓴᖅ ᐊᔾᔨᒋᖏᑦᑐᓄᑦ ᐅᑭᐅᓕᖕᓄᑦ ᐊᒻᒪ ᐃᓄᐃᑦ ᐊᔾᔨᒋᖏᑦᑐᓂᑦ ᐱᔾᔪᓯᓕᖕᓄᑦ ᑲᑎᓪᓗᑎᒃ ᐱᓕᕆᖃᑎᒋᒡᓗᑎᒃ, ᐃᓕᓐᓂᐊᑲᑎᒋᒡᓗᑎᒃ, ᐊᖅᑭᒃᓱᐃᓗᑎᒃ, ᖃᐅᔨᓇᓱᒡᓗᑎᒃ, ᐱᓐᖑᐊᖃᑎᒋᒡᓗᑎᒃ ᐊᒻᒪ ᖁᕕᐊᓱᖃᑎᒋᒡᓗᑎᒃ.ᐱᕕᖃᕐᓂᐊᕆᕗᑦ ᐃᓄᑦᑎᐊᕋᓱᖕᓂᕐᒧᑦ ᐃᓄᖃᑎᒋᑦᑎᐊᕋᓱᖕᓂᕐᒧᑦ ᐃᓄᖃᑎᒋᖕᓂᕐᒧᑦ, ᖃᐅᔨᒪᓕᒃᑲᓐᓂᕐᓂᖅ ᐊᒻᒪ ᖃᕆᓴᐅᔭᕐᓂᑦ ᐊᑐᐃᓐᓇᐅᓂᖏᓐᓄᑦ.

  • ᖃᓄᐃᓐᓇᖏᑦᑐᓗᓂ ᐊᒻᒪ ᐅᖅᑯᓗᓂ ᐃᓂᐅᓗᓂ ᒪᒃᑯᒃᑐᓄᑦ; ᐅᐸᒐᒃᓴᐅᓗᓂ ᐊᒻᒪ ᐱᓕᕆᓐᓇᕐᓗᓂ
  • ᑐᓐᖓᓇᕐᓗᓂ
  • ᑭᓱᒃᑯᑕᖃᕐᓗᓂ, ᐃᓕᓐᓂᐊᒐᒃᓴᖃᕐᓗᓂ, ᓴᓇᓗᒡᕕᖃᕐᓗᓂ, ᐃᓕᓐᓂᐊᖅᑕᐅᔪᒃᓴᖃᕐᓗᓂ ᐊᒻᒪ ᐱᓕᕆᐊᒃᓴᖅᑕᖃᕐᓗᓂ
  • ᖃᓄᑐᐃᓐᓇᑦᑎᐊᖅ ᐃᓕᓐᓂᐊᒐᒃᓴᖅᑕᖃᕐᓗᓂ ᐊᔪᕈᓐᓂᕐᓂᖃᕐᓗᑎᒃ ᐊᒻᒪ ᐅᓄᖅᑐᓂᑦ ᓴᖅᑭᑦᑎᓐᓇᕐᓗᓂ
  • ᖃᕆᓴᐅᔭᓕᕆᕝᕕᒃ ᐊᑐᐃᓐᓇᐅᓗᓂ ᐱᓕᕆᐊᖃᕈᒪᒃᐸᑕ ᐊᒻᒪ ᐃᓱᒪᒋᔭᖏᓐᓂᑦ

ᐸᕐᓇᒍᑎᕗᑦ ᖃᕆᓴᐅᔭᓕᕆᓂᕐᒧᑦ ᓄᓇᕗᒥᑦ ᑐᕋᒐᖃᖅᐳᖅ ᐱᕈᖅᑎᑦᑎᓂᕐᒥᑦ ᑐᕋᖅᑐᒥᑦ ᐃᓄᓯᑦᑎᐊᕆᓕᕐᓂᕐᒧᑦ ᐊᒻᒪ ᐃᓱᒪᑦᑎᐊᕈᓐᓇᖅᓯᓂᕐᒧᑦ ᒪᒃᑯᒃᑐᓄᑦ ᑐᓐᖓᓂᖃᖅᑐᖅ ᓄᓇᖅᑲᖅᑲᖅᓯᒪᔪᓄᑦ ᐱᔪᓐᓇᐅᑎᖏᓐᓂᑦ ᐊᑐᕐᓗᑎᒃ ᐱᓕᕆᐊᖏᓐᓂᑦ, ᐃᓕᓐᓂᐊᕈᑕᐅᓗᓂ ᐊᔪᕈᓐᓂᕐᓂᕐᒧᑦ ᐊᒻᒪ ᐱᕈᖅᑎᑦᑎᓂᕐᒥᑦ ᐱᐅᔪᒥᑦ ᐃᓄᖃᑎᖃᕈᓐᓇᕐᓂᕐᒧᑦ ᐱᓕᕆᓂᖃᖅᑎᓪᓗᒋᑦ ᐱᕈᖅᐸᓐᓕᐊᔪᒧᑦ ᖃᕆᓴᐅᔭᓕᕆᓂᕐᒧᑦ ᐊᑐᕐᒥᓗᑎᑦ ᓴᓇᕈᓗᔭᕐᓂᕐᒧᑦ, ᐱᖅᑯᓯᒥᑦᑎᒍᑦ, ᖃᐅᔨᓴᖅᑐᓕᕆᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒧᑦ.


ᖃᓄᖅ ᐊᓂᒍᐃᓂᖅ ᑕᐅᑦᑐᒋᓇᔭᕐᒪᖓᑦ ᐱᓕᕆᐊᖃᖅᑐᒧᑦ?

  • ᐱᕈᖅᓴᐃᓗᓂ ᐃᓱᒪᔪᓐᓇᑦᑎᐊᕐᓂᕐᒥᑦ ᐊᒻᒪ ᐃᓄᓯᑦᑎᐊᕆᖕᓂᕐᒥᑦ
  • ᓄᓇᕗᒻᒥᐅᑦᐊᒻᒪ ᓄᓇᕗᑦ ᓄᓇᓕᖏᑦ ᑐᖕᓯᐊᕗᑦ ᖃᓄᐃᑦᑐᖕᒪᖓᑦ ᑲᑎᓐᖓᓂᖅ ᖃᕆᓴᐅᔭᓕᕆᔨᑦ ᐊᐅᓚᓂᖏᓐᓂᑦ ᐊᒻᒪ ᖃᓄᖅ ᐃᓚᒋᔭᐅᔪᓐᓇᕐᒪᖓᕐᒥᖕᓂᑦ
  • ᐊᔾᔨᐅᖏᑦᑐᖅ ᐊᒻᒪ ᓄᓇᓕᖕᓄᑦ ᑐᕋᖅᑐᖅ ᖃᕆᓴᐅᔭᓕᕆᓂᖅ ᐅᑯᓄᖓ ᖃᓪᓗᓇᑐᑦ ᑕᐃᔭᐅᔪᖅ STEAM−ᖑᓂᕋᖅᑕᐅᔪᖅ (ᖃᔨᓴᖅᑐᓕᕆᓂᖅ, ᖃᕆᓴᐅᔭᓕᕆᓂᖅ, ᐊᖅᑭᒃᓱᐃᓂᖅ, ᓴᓇᓐᖑᐊᕐᓂᖅ, ᓇᓴᐅᓯᕆᓂᖅ) ᐃᓕᓐᓂᐊᕐᓂᖅ ᑎᑭᐅᑎᔪᖅ ᓄᓇᕗᒧᑦ ᓄᓇᓕᖏᓐᓄᑦ ᑕᐃᑲᓂ ᒪᔾᔨ 2025
  • ᓄᓇᓕᑦ ᐸᕐᓇᒃᑕᐅᓯᒪᔪᒥᑦ ᑭᓇᐅᔭᓂᑦ ᐸᕐᓇᐃᓯᒪᕗᑦ ᐊᑐᖁᓪᓗᒋᑦ ᐊᑐᒐᒃᓴᑦ ᑭᓇᐅᔭᖃᕐᓂᒃᑯᑦ
  • ᓴᓐᖏᔪᕗᖅ ᖃᕆᓴᐅᔭᖃᕈᑎ ᓄᓇᓕᖕᓄᑦ, ᓄᓇᓕᖕᓄᒃ ᐊᕕᒃᑐᖅᓯᒪᔪᓄᑦ ᐊᒻᒪ ᒐᕙᒪᒃᑯᑦ ᐊᕕᒃᑐᖅᓯᒪᓂᖏᑦ ᒪᓕᒐᓕᐅᖅᑎᖏᓐᓄᑦ
  • ᐊᑐᖅᑕᐅᔪᓐᓇᖅᑐᑦ ᑕᒃᑯᓂᖓ ᑲᑐᔾᔨᖃᑎᒋᖑᔪᓄᑦ ᑕᕝᕙᓂ ᑲᑎᓐᖓᓂᖅ ᖃᕆᓴᐅᔭᓕᕆᓂᖅᐱᓕᕆᐊᖑᔪᖅ (ᖃᐅᔨᒋᐊᑎᑦ  ᐊᓐᓂᐊᖃᑉᓇᖏᑦᑐᓕᕆᔨᑦᖃᐅᔨᓴᖅᑐᓕᕆᔨᑦ, ᐃᓄᓯᖃᑦᑎᐊᕐᓂᕐᒧᑦ ᑲᑎᒪᔨᖏᑦ, ᐱᓐᖑᐊᑉ ᑲᑐᔾᔨᖃᑎᒋᑦ ᐊᒻᒪ  ᓄᓇᕗᒥᑦ ᑲᑐᔾᔨᖃᑎᒋᑦ ᕼᐊᒪᓚᒃᑯᑎᒍᑦ) ᑕᒃᑯᐊ  ᑎᓕᔭᐅᕗᑦ ᐊᑐᖅᑎᑦᑎᓗᑎᒃ ᓄᓇᓕᖕᓗᑦ

ᐊᔪᓐᖏᖁᔭᐅᔪᑦ

  • ᐃᓄᒃᑎᑐᑦ ᐅᖃᕈᓐᓇᑦᑎᐊᕐᓗᓂ
  • ᐃᓱᒪᑐᓗᓂ ᐊᒻᒪ ᐃᓱᒪᑲᐅᖅᑐᕈᓐᓇᕐᓗᓂ, ᓇᖕᒥᓂᖃᕐᓂᕐᒥᑦ ᖃᐅᔨᒪᓂᖃᕐᓗᓂ, ᐊᐅᓚᑦᑎᔨᐅᑦᑎᐊᕈᓐᓇᕐᓗᓂ
  • ᐱᓕᕆᐊᒃᓴᓂᑦ ᐊᐳᒪᑦᑎᔪᓐᓇᕐᓗᓂ, ᐊᖅᑭᑦᑎᐊᖅᓯᒪᔪᓐᓇᕐᓗᓂ, ᖃᐅᔨᓴᕈᓐᓇᕐᓗᓂ, ᐱᓕᕆᑦᑎᐊᕐᓗᓂ
  • ᐅᖃᖃᑎᖃᕈᓐᓇᑦᑎᐊᕐᓗᓂ, ᑎᑎᕋᕈᓐᓇᑦᑎᐊᕐᓗᓂ ᐊᒻᒪ ᓇᖕᒥᓂᖓᓂᓐᖓᖅᑐᒥᑦ ᐅᖃᖃᑎᖃᕈᓐᓇᕐᓗᓂ
  • ᐱᔪᒪᓂᖃᕐᓗᓂ ᐊᐅᓚᑦᑎᓂᕐᒥᑦ ᓄᓇᓕᖕᓄᑦ ᓴᖅᑭᑦᑎᔪᓐᓇᕐᓗᓂ ᐊᑐᖅᑕᐅᔭᕆᐊᓕᖕᓂᑦ ᐊᒻᒪ ᐱᓕᕆᐊᖃᕐᓗᓂ ᓄᓇᓕᖕᓄᑦ ᐊᔾᔨᒋᖏᑦᑐᓄᑦ ᓄᓇᕗᒥᑦ
  • ᐊᑐᖅᓯᒪᓂᕆᔭᖏᑦ ᐅᕝᕙᓗᓐᓂᑦ ᑲᑎᑦᑐᓐᓇᕐᓂᖃᕐᓗᓂ ᖃᕆᓴᐅᔭᓂᑦ ᐊᒻᒪ ᖃᓄᐃᖏᑦᑎᐊᕐᓂᕐᒧᑦ
  • ᐃᓄᑐᔾᔨᓗᓂ ᐱᓕᕆᐊᖃᕈᓐᓇᕐᓗᓂ ᐊᒻᒪ ᐃᓚᒋᔭᐅᑦᑎᐊᕈᓐᓇᕐᓗᓂ

ᐊᑐᒐᒃᓴᖏᑦ

  • ᐱᓕᕆᖃᑎᖃᕐᓗᓂ ᑲᑎᓐᖓᓂᖅ ᐊᐅᓚᑦᑎᔨᖏᓐᓄᑦ ᐊᑐᐊᒐᕐᓂᑦ ᑕᒃᑯᓄᖓ ᑲᑎᓐᖓᓂᖅ ᐱᓕᕆᐊᒃᓴᐅᔪᓄᑦ, ᐊᖅᑭᒃᓯᕙᒡᓗᓂ ᑐᕋᒐᒃᓴᓂᑦ ᐊᒻᒪ ᐊᑐᕋᓱᕐᑕᕐᓂᓪᓗ ᐊᒻᒪ ᓇᓗᓇᐃᔭᐃᓂᖅ ᐊᑐᕐᓂᐊᖅᑐᑦ ᐊᑐᕋᔭᕐᒪᖓᑦ
  • ᐱᕈᖅᓴᐃᓗᓂ ᐊᒻᒪ ᐊᖅᑭᒃᓱᐃᓗᓂ ᐃᓚᒋᔭᐅᓕᕈᓐᓇᕐᓂᕐᒥᑦ ᓄᓇᓕᖕᓄᑦ ᓄᓇᕗᒥᑦ ᐊᒻᒪ ᒐᕙᒪᒃᑯᑦ ᐸᕐᓇᐃᔨᖏᓐᓂᑦ ᐱᔾᔪᑎᖃᕐᓗᓂ ᑲᑎᓐᖓᓂᖅ ᐊᐅᓚᑦᑎᔨᖏᓐᓄᑦ
  • ᐱᓕᕆᖃᑎᖃᕐᓗᓂ ᓄᓇᓕᖕᓄᑦ ᓴᖅᑭᑦᑎᓗᓂᓗ ᐸᕐᓇᐃᔭᕐᓂᑦ  ᑲᑎᓐᖓᓂᖅ ᑕᒃᑯᓂᖓ ᐊᐅᓚᑦᑎᔨᖏᓐᓄᑦ  ᐱᓕᕆᐊᒃᓴᑦ ᑭᓇᐅᔭᑦ ᐊᑐᒐᒃᓴᑦ ᒪᓕᒡᓗᒋᑦ ᓴᓚᒃᓴᐅᑕᐅᓇᔭᖅᑐᑦ
  • ᐊᐅᓪᓚᖃᑦᑕᕐᓗᓂ (ᐅᐸᒋᐊᖃᖅᑕᖏᓐᓄᑦ) ᓄᓇᓕᖕᓄᑦ ᐱᕈᖅᑎᑦᑎᓇᓱᒡᓗᓂ ᐱᓕᕆᖃᑎᒋᖕᓂᕐᒧᑦ, ᑲᑎᒪᓂᒃᑯᑦ ᓴᖅᑭᑦᑎᓗᓂ, ᐃᓕᓐᓂᐊᖅᑎᑦᑎᓗᓂ ᐊᒻᒪ ᐃᑲᔪᕐᑐᐃᓗᓂ
  • ᐱᕈᖅᓴᐃᓗᓂ ᐊᒻᒪ ᐊᖅᑭᒃᓱᐃᓗᓂ ᐃᓚᒋᔭᐅᓕᕈᓐᓇᕐᓂᕐᒥᑦ ᓄᓇᓕᐅᔪᓄᑦ ᐊᒻᒪ ᑭᒡᒐᖅᑐᐃᓗᓂ ᑲᑎᓐᖓᓂᖅ ᑕᒃᑯᓂᖓ ᐊᐅᓚᑦᑎᔨᖏᓐᓄᑦ ᓄᓇᓕᖕᓂᑦ ᐱᓕᕆᓂᖅᑕᖃᓕᕋᖓᑦ
  • ᓇᒻᒪᒃᑎᑦᑎᒋᐊᖅᐸᒡᓗᓂ ᐊᑐᖅᑕᐅᔭᕆᐊᖃᓪᓚᕆᒃᑐᓂᑦ ᐊᒻᒪ ᑐᕋᒐᖃᕐᓗᓂ ᐱᓕᕆᔭᐅᓂᐊᖅᑐᓂᑦ, ᐱᓕᕆᖃᑎᖃᕐᓗᓂ ᓂᐅᕕᖅᐸᒃᑐᓂᑦ ᐱᓕᕆᓂᖃᑦᑎᐊᕐᓗᓂ ᓴᓐᖏᔪᒥᑦ ᐊᒻᒪ ᑐᓐᖓᓇᖅᑐᓗᑎᑦ
  • ᐊᖅᑭᒃᓱᐃᓗᑎᑦ, ᐊᐅᓚᑦᑎᔨᐅᓗᑎᑦ ᐊᒻᒪ ᐱᔨᑦᑎᕐᓗᑎᑦ ᓄᓇᓕᖕᓄᑦ ᐃᖅᑲᓇᐃᔭᖅᑐᓕᕆᔨᓄᑦ ᐊᒻᒪ ᓂᐅᕕᐊᒃᓴᖃᕐᓂᕐᒧᑦ ᐱᔪᒥᓱᒃᑎᑦᑎᓂᖅᐱᓕᕆᖃᑎᒋᓗᒋᑦ ᑕᒃᑯᓇᓂ  ᑲᑎᓐᖓᓂᖅ ᐊᐅᓚᑦᑎᔨᖏᓐᓄᑦ ᑲᑎᒪᔨᖏᓐᓄᑦ ᑲᔪᓯᑎᓇᓱᖕᓂᕐᒧᑦ ᐱᓕᕆᐊᒃᓴᐅᔪᑦ ᐃᓚᐅᓂᐊᖅᑐᓄᑦ ᓄᓇᓕᖕᓄᑦ ᓄᓇᕗᒥᑦ
  • ᓴᖅᑭᑦᑎᓗᑎᑦ ᓇᓗᓇᐃᑦᑎᐊᖅᓯᒪᔪᒥᑦ ᒪᓂᓴᕈᑎᓂᑦ ᐊᒻᒪ ᐊᑐᐊᒐᓂᑦ ᐊᒻᒪ ᐸᕐᓇᐃᓂᕐᒥᑦ ᐃᓚᖃᕐᓗᓂ ᒪᓐᓇᑲᐅᑎᒋ ᒪᓂᓴᕐᓂᕐᒧᑦ, ᓄᓇᓕᖕᓄᑦ ᐃᖅᑲᓇᐃᔭᖅᑐᓕᕆᔨᓄᑦ ᐊᒻᒪ ᐊᑐᖅᑕᐅᓂᐊᖅᑐᓂᑦ, ᑲᑎᑎᑦᑎᓂᕐᒥᑦ ᐊᒻᒪ ᐊᐅᓚᑦᑎᓂᕐᒥᑦ ᓄᓇᓕᖕᓂᑦ ᑲᑐᔾᔨᖃᑎᒋᓄᑦ, ᐊᒻᒪ ᐊᖅᑭᒃᓯᒪᓂᖏᑦ ᒪᓂᓴᐅᑎᐅᔪᑦ ᐊᑐᒐᒃᓴᖏᑦ ᐊᒻᒪ ᐱᕙᓪᓕᐊᔪᓄᑦ ᓴᖅᑭᑕᐅᓂᐊᖅᑐᓂᑦ
  • ᐱᓕᕆᓂᖃᑦᑎᐊᕐᓗᑎᑦ ᐱᐅᔪᒥᑦ, ᐱᓕᕆᔨᑦᑎᐊᕙᐅᓗᑎᑦ ᑕᒃᑯᓄᖓ ᐱᔨᑦᑎᖅᑕᕐᓄᑦ  ᑲᑎᓐᖓᓂᖅ ᐊᐅᓚᑦᑎᔨᖏᓐᓄᑦ ᓂᕈᐊᕋᓂᓚᓐᖏᑎᓪᓗᒋᑦ ᐊᒻᒪ ᒐᕙᒪᒃᑯᑦ ᐸᕐᓇᐃᔨᖏᓐᓄᑦ ᑐᕋᒐᖃᕐᓗᑎᑦ  ᓄᓇᓕᑦ ᒐᕙᒪᖁᑎᖏᓐᓄᑦ ᐸᕐᓇᐃᔨᑦ
  • ᑭᒡᒐᖅᑐᕐᓗᒋᑦ ᐊᒻᒪ ᖃᐅᔨᑎᓪᓗᒋᑦ  ᑲᑎᓐᖓᓂᖅ ᐊᐅᓚᑦᑎᔨᖏᑕ ᒐᕙᒪᖃᕐᕕᖕᒧᑦ ᑲᑎᒪᔾᔪᑎᒃᓴᑦ ᓂᕈᐊᖅᑐᖃᓚᐅᓐᖏᑎᓪᓗᒍ ᐊᒻᒪ ᒐᕙᒪᖁᑎᖏᓐᓄᑦ ᐸᕐᓇᐃᔨᑦ
  • ᐱᕙᒋᔭᖅᓯᒪᓗᑎᑦ ᑎᑎᕋᖅᓯᒪᔪᓂᑦ ᓴᖅᑭᑎᓐᓂᐊᖅᑕᕐᓂᑦ ᐃᓗᐊᓂᑦᑐᓂᑦ ᐊᒻᒪ ᓯᓚᑕᓂᑦᑐᓂᑦ ᓂᐅᕕᖅᐸᒃᑐᓄᑦ ᐱᔭᕆᐊᖃᖅᐸᑦ
  • ᐊᖅᑭᒃᓯᕙᒡᓗᑎᑦ ᕿᒥᕐᕈᐊᖅᑕᐅᔪᒃᓴᓂᑦ ᐅᔾᔨᖅᓱᑦᑎᐊᕐᓗᒋᑦ ᑐᒃᓯᕋᐅᑎᑦ ᐱᓕᕆᐊᖑᔪᑦ ᐊᒻᒪ ᑭᓇᐅᔭᑦ ᐊᑐᖅᑕᐅᔪᑦ
  • ᐱᔨᑦᑎᕐᓗᑎᑦ ᑐᖅᑲᖅᑕᕐᕕᐅᓗᑎᑦ ᐱᓕᕆᖃᑎᖃᕐᓂᒃᑯᑦ  ᑲᑎᓐᖓᓂᖅ ᑕᒃᑯᓂᖓ ᐊᐅᓚᑦᑎᔨᖏᓐᓄᑦ  ᐱᓕᕆᐊᒃᓴᑦ ᐃᓚᓕᐅᑎᓗᒋᑦ ᓄᓇᓕᑦ, ᓄᓇᓕᖕᓂᖅ ᐱᓕᕆᕝᕕᓕᑦ ᐊᒻᒪ ᐃᑲᔪᖅᑕᐅᖏᖦᖢᑎᒃ ᖕᓇᐅᔭᓕᐅᕋᓱᒃᑐᑦ, ᓯᓚᕐᔪᐊᕐᒥᑦ ᓂᐅᕕᒃᐸᒃᑐᑦ ᐊᒻᒪ ᐊᓯᖏᑦ ᐱᓕᕆᐊᒃᓴᑦ ᑲᑐᔾᔨᖃᑎᒋᑦ
  • ᓴᖅᑭᑦᑎᓗᑎᑦ ᐊᒻᒪ ᐊᐅᓚᓪᓗᒋᑦ ᐱᓕᕆᐊᖑᔪᓄᑦ ᑭᓇᐅᔭᐃᑦ, ᐊᑭᓕᐅᑕᐅᔪᑦ ᓇᓕᖅᑲᖏᑦ ᑲᒪᒋᓗᒋᑦ, ᑭᓇᐅᔭᑦ ᑐᓂᔭᐅᔪᑦ ᐃᑲᔪᑕᐅᔪᑦ, ᐊᒻᒪ ᐊᓯᖏᑦ ᑭᓇᐅᔭᐃᑦ ᑐᕋᖅᑐᑦ ᐱᓕᕆᐊᒃᓴᓄᑦ
  • ᐃᑲᔪᕐᓗᒋᑦ ᓄᓇᓕᑦ ᐊᖅᑭᒃᓯᖃᑎᒋᓗᒋᑦ ᐊᑲᐅᓐᖏᓕᐅᕈᑕᐅᔪᓂᑦ ᐊᒻᒪ ᓇᒻᒪᓐᖏᓕᐅᑎᓂᑦ ᐱᓕᕆᐊᖑᔪᓂᑦ, ᐃᓚᖃᕐᓗᓂ ᐃᓱᒪᒃᓴᖅᓯᐅᕐᓂᕐᒥᑦ, ᓴᖅᑭᑦᑎᓗᓂ ᐊᑐᒐᒃᓴᒥᑦ ᐊᐅᓚᓂᐊᒍᑦ, ᐊᒻᒪ ᖁᕝᕙᕆᐊᕐᓗᒋᑦ ᐊᑲᐅᓐᖏᓕᐅᕈᑕᐅᔪᑦ ᐊᑐᕆᐊᖃᖅᐸᑦ
  • ᐊᑐᖅᑕᐅᔪᑦ ᐊᒻᒪ ᖃᐅᔨᓴᕐᓗᒋᑦ ᐊᓯᔾᔨᖅᑐᑦ ᐱᐅᓯᒋᐊᕐᓗᒋᑦ ᐱᓕᕆᓂᐅᔪᑦ ᓇᓗᓇᐃᕐᓂᖏᑦ, ᐊᒻᒪ ᐱᐅᖅᓱᐊᕐᓂᑦ
  • ᖃᐅᔨᒋᐊᕐᓗᒋᑦ ᐊᒻᒪ ᐊᑐᖅᑕᐅᔪᑦ ᒪᓕᒐᐃᑦ, ᐊᑐᐊᒐᐃᑦ, ᐊᑐᑦᑎᐊᒃᑲᓐᓂᕆᐊᕐᓗᒋᑦ, ᐱᒻᒪᕆᐅᔪᑦ ᐊᒻᒪ ᐱᓕᕆᐊᖑᔪᑦ ᓄᓇᕗᒥᑦ ᖃᕆᓴᐅᔭᓕᕆᔨᓄᑦ
  • ᑭᐅᑲᐅᑎᒋᕙᒡᓗᑎᑦ ᐅᖃᖃᑎᖃᕐᓂᕐᒧᑦ ᓂᐅᕕᖅᐸᒃᑐᓄᑦ, ᐊᒻᒪ ᐊᖅᑭᒃᓯᔪᓐᓇᕐᓗᑎᑦ ᐅᖃᖃᑎᖃᕐᓂᖅ ᐱᓕᕆᐊᖑᔭᕆᐊᖃᕐᓂᖓᓂᑦ ᑭᐅᓂᒃᑯᑦ
  • ᐊᑐᕐᒥᓗᒋᑦ ᐊᓯᖏᓐᓂᑦ ᐱᓕᕆᔭᕆᐊᖃᖅᑐᓂᑦ ᐱᔭᕆᐊᖃᖅᐸᑦ

ᑲᑎᓐᖓᓂᖅ ᖃᕆᓴᐅᔭᓄᑦ ᐊᐅᓚᓂᖏᑦ ᐱᓕᕆᐊᒃᓴᐅᕗᖅ ᓇᓗᓇᐃᖅᓯᒪᓪᓗᓂ ᐃᑲᔪᖅᑐᐃᓂᕐᒥᑦ ᐃᓄᓯᓕᕆᓂᕐᒧᑦ ᐊᒻᒪ ᖃᓄᐃᖏᑦᑎᐊᕐᓂᕐᒧᑦ ᓄᓇᓕᐅᔪᓄᑦ, ᑕᓇ ᐱᓕᕆᐊᒃᓴᖅ ᐃᑲᔪᖅᑐᐃᓂᐊᖅᐳᖅ ᓄᓇᓕᖕᓄᑦ ᓴᖅᑭᑦᑎᓂᕐᒧᑦ ᖃᕆᓴᐅᔭᓕᕆᓂᕐᒧᑦ ᐱᓕᕆᐊᒃᓴᓂᑦ ᑲᑎᑎᑦᑎᓗᓂ ᖃᕆᓴᐅᓕᕆᓂᖅ ᐊᒻᒪ ᖃᓄᐃᖏᑦᑎᐊᕐᓂᕐᒧᑦ
ᐱᓇᓱᒍᒪᒍᕕᑦ ᑕᑕᑎᕆᓗᑎᑦ ᐱᓇᓱᒍᑎᒥᑦ ᐅᕗᖓ ᖃᕆᓴᐅᔭᒃᑯᑦ ᑐᕋᕈᑎᒧᑦ  jobs@pinnguaq.com